Euskal Herrian Zuzenean (EHZ) jaialdiko antolatzaileek sormena bultzatzea xede duten hainbat ekimen jarriko dituzte abian: EHrZ talde lehiaketa, 21 artistaren obrak jasoko dituen Irudikatu erakusketa (Baionan, Miarritzen eta beste herri batzuetan izango da ikusgai) eta Sorgin izeneko “erritual ibiltaria”. Azken horretarako 100 parte-hartzaile baino gehigo behar dira, eta herritarrak izena ematera animatu ditu EHZk. Bestalde, maiatzaren 28an IV. Elektrotasuna egingo da Hazparneko Mendeala aretoan. The Toxic Avenger, Les Petits Pilous, South Central eta Dash Klusterz arituko dira bertan.