Ehunka mila herritar Bartzelonan: manifestazioa neurtzeko hiru modu

  • Kataluniako preso politikoen askatzea eta herbesteratuen itzulera eskatzeko manifestazio erraldoia egin zuen berriz ere independentismoak Bartzelonan. Marina kalean egin zen bilkura eta herritarrek Espainiako Gobernuak hartutako neurri errepresiboen aurkako jarrera erakutsi zuten.

ARGIA @argia
2017ko azaroaren 13a
Sakelekoen argitxoekin argazki ikusgarria lortu zuten. (Arg.: ANC / Roser Vilallonga)

Iritzi asko izan ziren partehartzaileei buruz eta Bartzelonako Udaltzaingoaren arabera 750.000 pertsona izan ziren protesta agerraldian. Era batera edo bestera, Diadetan biltzen den jendetzaren gisakoa bildu zela aipatzen den hedabide gehienetan. Independentismoak berriz ere erakutsi zuen kaleak betetzen ez duela parekorik.

Presoen askatasunaren aldeko oihuak etengabekoak izan ziren eta hauen hainbat mezu ere irakurri ziren ekitaldian, esaterako ANCko buruzagi Jordi Sanchezena: “Zuen batasuna da gure indarra”. 155. artikuluaren aurkako aldarria ere izan zen manifestazioa.

Herritar kopuruaren neurketa eginez hiru txio esanguratsu argitaratu ditu El Nacional agerkari digitalak. Bartzelonako planoarena bereziki da esanguratsua, unionismoa eta independentismoaren manifestazioak hiriko plano baten gainean neurtzen dituelako.

 

Kanal hauetan artxibatua: Katalunia independentziarantz  |  Bartzelona

Katalunia independentziarantz kanaletik interesatuko zaizu...
Agerian geratu da U-1eko erreferendumean zauritutako polizien kopurua puztu zuela Espainiako Gobernuak

Espainiako Estatuko Barne Ministro Juan Ignacio Zoidok Kataluniako erreferendumaren hurrengo egunean, urriaren 2an, esan zuen 431 polizia zauritu zirela U-1ean. Alta, PPren gobernua kontraesanean erori da: Mariano Rajoyren exekutiboak martxoaren 22an EH Bilduko senatari Jon Iñarrituri bidalitako dokumentu batean esan zuen 111 zirela erreferendumaren egunean zauritutako poliziak.


Errepresioaren aurkako fronteak kaleak hartu ditu Bartzelonan preso politikoak askatzeko eskatuz

750.000 pertsonak erantzuna eman diote UGT eta CCOO sindikatuek eta ANC eta Òmnium Cultural elkarte independentistak osatzen duten Demokrazia eta Bizikidetza plataformak kalera ateratzeko egindako deiari. Preso katalanak askatzea galdegin dute, eta Madrili irtenbide politikoari bide ematea eskatu diote.


2018-04-15 | Reyes Ilintxeta
Lluís Llach, erretiratua setio-egoeran
"Espainiako Estatuak bi beso armatu ditu: juridikoa eta komunikatiboa"

Lluís Llach eta Jaume Roures produktorea Iruñera etorri ziren martxoaren bukaeran 76ko martxoaren 3ko Gasteizko gertakari latzak erakusten dituen La revolta permanent filma aurkeztera. Sanfermines 78 Gogoan ekimenak gonbidatuta heldu ziren Inpunitatearen aurkako irudiak zinema zikloan parte hartzera. Inpunitateaz, abestien indarraz, etengabeko matxinadez eta Kataluniako egoeraz mintzatu ginen L’Estaca-ren sortzailearekin.


2018-04-15 | Itxaro Borda
Super Carles

Begia tai gabe luzatzen dugu Katalunia aldera. Zertan dugu Puigdemont? Ematen du xake partida erraldoia eramaten duela bere burua sakrifikatuz, preso edo erbestean diren beste bere hamar abentura independentista lagunen gisara. Com si fos ahir telesailaren antzeko kulebroia da Kataluniako afera. Eskerrak Polonia emankizunak dirauela eta Messik Barça salbatuko duela.

Ez dakit konturatzen garenez zein neurritarainoko krimen sinbolikoa egin zuten iragan urriaren 27an Errepublika... [+]


2018-04-15 | Adur Larrea
Ez hanka ez buru
Bost diputadutxo

2018-04-12 | ARGIA
Epaileak "terrorismo" delitua baztertu eta aske utzi du CDRetako kidea

Poliziak asteartean atxiloturiko Kataluniako CDR (Errepublikaren Defentsarako Komiteak) taldeetako kidea libre utzi du Espainiako Auzitegi Nazionaleko Diego de Egea epaileak. Desordena publikoak egozten dizkio eta astero aurkeztu beharko da epailearen aurrean.


2018-04-10
Kataluniako CDRen aurkako polizia operazioa: zortzi atxilotu

Espainiako Auzitegi Nazionalak astearte goizean CDRen aurkako operazioa abiatu du. Guardia Zibilak bi lagun atxilotu ditu Nació Digitalek informatu duenez. "Terrorismoa, sedizioa eta matxinada" egozten diete, El Confidencialen arabera. Aste Santuan errepideak eten edo ordain-sarietan barrerak altxatzearen ekintzekin lotura izan dezakete. Esquadra Mossoek beste sei atxilotu dituzte.


2018-04-05 | ARGIA
Carles Puigdemont aske utzi dute Alemaniako epaileek

Poz kolpea Katalunian: Schleswig-Holstein lurraldeko auzitegiak aske utzi du ostegun arratsaldean Carles Puigdemont lehendakaria, 75.000 euroko fidantzapean, argudiatuz azin zaiola egotzi matxinada delitua eta ondoren aztertuko dutela diru publikoen balizko erabilpen okerrarena. Arratsalde berean Belgikako justiziak erabat libre utzi ditu, ez fidantza eta ez baldintza, Comin, Serret eta Puig kontseilariak.


2018-04-05 | ARGIA
Mossoen buru ohi Traperori "matxinada" delitua leporatu dio Lamela epaileak

"Matxinada" egitea eta "talde kriminaleko kide izatea" egotzi dio Carmen Lamela epaileak Josep Lluis Trapero Esquadra Mossoen buruari, iazko irailaren 20 eta 21eko gertaeretan eta urriaren 1eko erreferendumean izandako jarreragatik. Bestalde, Jordi Sanchez prest agertu da presidentegai izateko.


Azkenak
EGILEA
Eguneraketa berriak daude