Egipto eta Italia arteko bidea itsasoz egiten ziharduten errefuxiatu gehienak somaliarrak, eritrearrak eta etiopiarrak ziren. Somaliak Egipton duen ordezkaritzak azaldu du gertakariaren nondik norakoak ezagutzeko ahaleginak egiten ari direla.
Gertaeraren harira, Sergio Mattarrella Italiako presidenteak adierazi du Europak migrazio politikaren inguruan hausnartu beharra duela, “Mediterraneoan beste ezbehar bat gerta ez dadin”.
Paolo Gentiloni Italiako Atzerri ministroa ere mintzatu da gaiaz: “Europak konpromiso sendoagoa hartu beharra dauka migrazioari aurre egiteko”. Duela urtebete itsasoan desagertutako 700 errefuxiatuak ekarri ditu gogora eta adierazi du “informazio gehiago eskuratu zain daudela”.
Migration Compact
Immigrazioaren inguruko akordio proposamen bat aurkeztu du Italiak Europar Batasuneko Atzerri Ministroen Kontseiluan: Migration Compact. Horren bidez, Mediterraneoa zeharkatu nahi duten migratzaileak geldiarazi eta haien egoeraz baliatzen diren mafiak kontrolatzea nahi du Erromak, eta inbertsioa ugaritzea proposatzen du horretarako.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]