Ehunka beso Euskal Herrira bueltatzean besarkada erraldoiez estutzeko

  • Zazpirak eta hamar inguruan, bi suzirik hasiera eman diote Barañaingo bi plazatatik abiatu diren zutabeei. ‘Etxera’ lelodun pankarta bana buruan, presoak Euskal Herriratzearen aldeko oihuak entzun dira Udal plazara bidean.


2016ko ekainaren 06an - 17:17
Luis Goñi Barañainera heldu berritan. (Argazkia: Plazaberri)

Bertaratutakoen artean poztasuna nagusi bazen ere, Xabier Sagardoy herriko gaztea gogoan izan dute. Sagardoy 2013ko irailean atxilotu zuten eta egun, Soriako espetxean aurkitzen da .

Udal plazara batera iritsi dira bi zutabeak, bidean entzundako oihuak errepikatuz. Ehunka lagunek plaza hartu eta Luis Goñi babestu dute. Sei pertsonak plazaren erdigunera atera eta aurreskua dantzatu dute, ekitaldiari hasiera emanez.

“Eskuz esku zurekin lan egiteko elkar loturik egon diren besoak zain dituzu, herri harresian elkartasuna adierazi zizuten besoak zai dituzu, milaka kilometro bolanteari helduta egon diren besoak zain dituzu”, hasi dira esaten antolatzaileek.

Euskal Herrian asko dira euren senide eta lagunak “besarkatzeko” zain daudenak eta era berean, euren etxeetatik urrun dauden presoak gogora ekarri dituzte. Salbuespen politiken, sakabanaketaren edota mendekuaren inguruan ez dutela hitz egingo nabarmendu dute: “Gaurkoan zorionez beso aldarrikatzaile, borrokalari eta gidariak indar beterik ditugu hainbeste desiratzen ditugun 400 besarkada horietako bat emateko aukera dugulako”.

Barañainen egindako giza katea eta herri harresia gogoan izan dituzte ekitaldian. Era berean, ostiralekoa egun berezia dela nabarmendu badute ere, Xabier Sagardoy preso barañaindarra gogoan izan dute eta gaztearen senide eta lagunei besarkada berezia bidali diete: “Bilakatu daitezela gaurko besarkada guztiak hurrengo besarkada ahal bezain pronto emateko indarrean. Euskal preso politikoak Euskal Herrira ekartzeko indarrean”.

Gauean elkartasun afaria antolatu dute gazte barañaindarraren kaleratzea ospatzeko.

Lurra hartu gabe oraindik

Espetxetik atera berri da Luis Goñi eta oraindik lurra hartzear dagoela aitortu du. Asko dira gaztearengana hurbiltzen direnak. Batzuk agurtuz, besteak besarkatuz, pozik eta ilusionatuta dagoela adierazi du: “Jendearen inplikazioa nabari da. Gazte asko ikusten da eta hori berri ona da”.


Kanal honetatik interesatuko zaizu: Herri harresiak
Hamar urte bete dira Ondarroan zubi harresia eraiki zenetik

"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.


2019-04-08 | ARGIA
Espetxetik irten da Ekaitz Ezkerra, Donostiako herri harresiko azken presoa

Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]


2018-10-01 | ARGIA
Seven young Basques illegally sent to prison

They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.


2018-09-26 | ARGIA
Zazpi gazteren atxilotze eta espetxeratzea "legez kontrakoa" izan zela ebatzi du Konstituzionalak

2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]


Eguneraketa berriak daude