EHUko Zientzia Politikoko katedra Edurne Uriarterentzat dela erabaki du Bizkaiko Auzitegiak eta ez Francisco Letamendia Ortzi irakaslearentzat. Auzia iaz, urte amaieran hasi zen, EHUko Ebaluazio Batzordeak Edurne Uriarteri katedra ematea erabaki zuenean. Horren aurrean Francisco Letamendiak helegitea aurkeztu zuen eta Erreklamazio Batzordeak katedra azken honi zegokiola erabaki zuen. Orain ordea, Bizkaiko Auzitegiak EHUk Uriarteren oinarrizko eskubideak urratu zituela ebatzi du.