Nafarroako Gobernuaren hamasei hilabeteko jardunaren balorazio egiteko eskatu diegu hamalau gizarte mugimenduri. Hemen EHNE nekazari sindikatuak egin duena.
Nola baloratzen duzue Nafarroako Gobernuak 16 hilabetetan zuen esparruan egin duen lana?
Egindako lanarekin baino markatutako lan ildoa da gehien goraipatzen duguna, badakigulako egun batetik bestera ezin dela dena aldatu. Baina pausoak sumatzen hasiak dira, adibidez aurtengo aurrekontuak inflexio puntu horren adierazle izan daitezke, edota egiten ari diren barne berrantolaketak, edota parte hartzea bultzatzeko zabaldutako bideak. Dena den ausardiaz jokatu beharko dute inflexio puntu batetik dinamika eraldatzaile baterantz egiteko.
Zuen esparruan nora heldu beharko litzateke Gobernua gelditzen zaion legealdi denboran?
Badakigu lau urte ez dela denbora sobera nekazaritzak eta abeltzaintzak behar duten eraldaketa osoa egiteko, baina hainbat eremutan gobernuak lanak norabide onean utzi ditzake. Hala nola elikadura burujabetzaren sakontzean, eredu industriala eta ingurugiroan errotutako ereduaren arteko eztabaidaren sozializazioan,kanpotik datozkigun eta lurra eta elikagaiak kutsatzen dituzten intsumoen erabilpenen murrizketan eta eredu agroekologikoen hazkundean ere bai.
Jarriko diozue nota bat 0tik 10era?
6-7, ulertzen dugulako aurretik jasotako inertziak zuzentzeak duen zailtasuna.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.