EH Bilduk ostalaritzako patronalarekin bilera egin du
Turismoaz eta dituen ondorioez hitz egiteko batu dira asteazken goizean Arnaldo Otegi buru duen EH Bilduren ordezkaritza bat Gipuzkoako Ostalaritzako Enpresarien Elkartearekin.
Azken asteetan izandako eztabaidei bide eman nahi dio koalizio independentistak eta turismoaren arazoari aurre egiteko irtenbideak bilatzen hasi. Joan den astean Otegik berak adierazi zuen EH Bildu ez dagoela “tourist go home”-ekin ados ezta “hemen ez da ezer gertatzen” diotenekin.
Donostiako Alde Zaharreko bizilagun elkartearekin bildu nahi dutela adierazi dute ere, baina ez dute oraindik datarik iragarri.
Gipuzkoako Diputazioko bozeramaile den Imanol Lasak adierazpenak egin ditu gaiari lotuta. Bere iritziz “Sortuk betidanik izan du turismofobia sentimendua, kanpotik datorren guztiari mania moduko bat”. Eztabaida ez dagoela kalean eta artifiziala dela adierazi du, eta ezker abertzaleari “manifestazioak egiteko aitzakiak” bilatzen aritzea leporatu dio.
Ernaik ostegunerako deitutako mobilizazioaren harira, turismo ereduaren gaineko eztabaidak erdigunea hartu du. Topatu-k egindako elkarrizketan beren iritzia azaldu dute gazte antolakundeko bi kidek: “Ez gaude turismoaren kontra, eredu honen kontra baizik”. Espazio publikoaren pribatizazioa, etxebizitzaren garestitzea eta lan prekarioak aipatu dituzte turismo ereduaren ondorio gisa.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.