EH Bilduk eta Podemosek erraustegiak osasunean dituen kalteez azterketa batzordea eskatu dute

  • Gipuzkoako Batzar Nagusietan eskatu dute bi alderdiek hondakin-erraustegi batek pertsonen osasunean eta ingurumenean izan ditzakeen arriskuak eta kalteak ebaluatzeko azterketa-batzorde bat eratzeko.

Goiena @goiena
2016ko maiatzaren 30a
EH Bildu eta Podemos-Ahal Duguko ordezkariak (argazkia: Goiena).

Azterketa-batzordearen helburua izango da "ematen dituen ondorioak Gipuzkoako Foru Aldundirako gida izatea, biztanleen osasuna eta ingurumena lehenesten dituen hondakinen kudeaketa-politika diseinatzeko". EH Bildu eta Podemos-Ahal Dugu alderdiek eskaera erregistratu aurretik, joan den asteartean, Rivas Vaciamadrideko “Rivas Aire Limpio” elkarteak eta EOIT mediku taldeak hondakin-erraustegiak pertsonen osasunean dituen arriskuen berri eman zioten lurralde-ganberako Ingurumen Batzordeari.

Rivas Aire Limpio elkarteak "oso datu kezkagarriak" eman zituen Valdemingomezko erraustegiak inguruko biztanleriaren osasunean izan duen eragin larriari buruz, eta Osasuna eta Errausketa Ikerketa Taldea (EOIT) mediku-elkarte gipuzkoarrak "kalteoi buruzko txosten xehatua aurkeztu eta erraustegiaren eraikuntza baztertzeko eskatu zuten", arreta-printzipioa aldarrikatuta.

EOIT elkarteak emandako informazioaren arabera, hondakin-erraustegi baten funtzionamenduak ondorio hauek ditu: erbi-ezpain kasuen intzidentzia %230ean handitzen du; giltzurrun-malformazioak %55ean handitzen ditu; gibeleko minbiziaren intzidentzia %29an handitzen du, eta biriketako minbiziarena %14an; eta, pleurako eta besikulako minbizi-kasuen heriotza-tasak %84an eta %24an handitzen ditu, hurrenez hurren.

Datu zientifiko horien ondoriozko kezka dela eta, Xabier Olano (EH Bildu) eta Juantxo Iturria (Podemos-Ahal Dugu) bozeramaileek, Ingurumen Batzordean dagozkien bozeramaileekin batera, hots, Iban Asenjorekin eta Ione Cisnerorekin batera, hurrengo ekaineko osoko bilkuran gai horren gaineko azterketa-batzorde bat eratzeari buruz hitz egiteko eskatu dute.

Albiste hau Josu Bilbaok argitaratu du Goienan eta CC-by-sa lizentziari esker ekarri dugu ARGIAra.


Gipuzkoako erraustegia kanaletik interesatuko zaizu...
2018-06-19 | Usurbilgo Noaua
GuraSOSek Zero Zona Kanala, telebista kate propioa estreinatu du Youtuben

“Batzuk nahi dutena soilik kontatzen dute. Zero Zonan herriak du hitza”. Horiexek GuraSOSek abian duen Hitzartu prozesuaren baitan, ostiral arratsalde honetan bertan martxan jarri berri duten Zero Zona kanalean entzun ahal izan ditugun lehen hitzak. Aurrerantzean, Youtubeko kate honen baitan, astero albistegi bat eskainiko dute.


2018-06-13 | Zero Zabor
Atzerapena Zubietan: FCC eta Urbaserren artean Cespak ere muturra sartu nahi du

Zubietako erraustegiaren obrek erritmo onean jarraitzen duten arren, 300 metro urrunago biometanizazio eta eskorien tratamendurako eraiki beharreko azpiegiturak hasi barik egongo dira ondoko hiru hilabeetetan gutxienez: FCC eta bere taldeari GHK-k 20 urterako egindako esleipenari helegitea jarri dio orain arte Zubietako opilaren banaketan esku hartzen ez duen taldeak, barnean Cespa eta Campezo dituenak.


2018-06-12 | Usurbilgo Noaua
Erraustegiaren kolapsoa ekar dezaketen ekimen juridikoak aurkeztu ditu GuraSOSek Europan

Zubietako erraustegia ez da atzera bueltarik gabeko proiektua. “Bere etorkizuna ez dago guztiz erabakia”, nabarmendu du GuraSOSek astelehen goiz honetan Donostiako Koldo Mitxelena Kulturunean egin duen agerraldian. Gipuzkoako Foru Aldundiak 2019ko udazkenerako martxan izatea aurreikusten duen Zubieta gaineko plantaren eta haren finantza ereduaren kolapsoa ekar dezaketen ekimen juridikoak aurkeztu zituen joan den astean GuraSOSek, Europako erakundeetan


2018-06-11 | Usurbilgo Noaua
Usurbilgo Udarregi Ikastolatik, erraustegia begi bistan

Ikastola Egun honetan, nahi izan gabe ere begirada Zubieta gainera zuzentzea ia saihestezina zen. Ondoko argazkietan ikus dezakezue, Ikastolako kideak, 50. urtemugako mosaiko erraldoia osatzera zihoazela, atzean zuten panorama. Begi bistakoak dira jada, urtebete barru amaitua eta martxan izatea aurreikusten duten erraustegiko lanak.


2018-06-08 | Zero Zabor
GHKk asteartean, 12an, bozkatuko du Gipuzkoako zaborrak Zabalgarbira eramatea

Gipuzkoako mankomunitate guztiak biltzen dituen GHK partzuergoak ekainaren 12an 11:00etan Foru Aldundiaren egoitza nagusian burutuko duen batzarrean eztabaidatu eta erabakiko du lurralde honetako hondakinak Bizkaian tratatu, erre eta lurperatzeko berrikitan bi aldundiek itxitako akordioa.


2018-06-07 | Usurbilgo Noaua
Erraustegia 2019ko uda aurretik amaitua eta udazkenean martxan izatea aurreikusten du Aldundiak

“Tratamendu mekaniko biologikoko eta biolehorketako plantetako eraikinak ia amaituta daude, eta hasiera eman zaio labeen eta gainerako ekipo industrialen instalazioari”, Gipuzkoako Foru Aldunditik berri eman dutenez. 2019ko erraustegiko lanak amaitzea aurreikusten dute eta “probaldia gainditu ondoren, 2019ko udazkenean funtzionatzen hasiko da Ingurumen Gunea” iragarri dute.


2018-06-04 | Zero Zabor
Gipuzkoako Foru Aldundia PIGRUG 2019-2030 bideratzen hasi da

Jose Antonio Asensio Ingurumen diputatuak aurkeztu du 2030era arte Gipuzkoako hondakinen plan nagusi izan behar duenaren tramitazioa martxan jartzea, bederatzi hilabeteko bidea egingo duena.


2018-06-01 | Txintxarri
Erraustegiko goi-tentsioko lineari baimena eman dio Lasarte-Oriako Udalak

Aire Garbiak aurkeztutako 300 sinadura baino gehiagori jaramonik egin gabe, Lasarte-Oriako Udalak Erraustegiko goi-tentsioko lineari baimena eman dio.


2018-05-28 | Zero Zabor
Gipuzkoa Zutikek erraustegiaren kontratua eskatu die Foru Aldundiko agintariei BDHren azken gauean

Larunbatean, 26, buzo zuriz mozorrotutako jende talde batek Gipuzkoako Foru Aldundiaren jauregi inguruetan pankartak eskegi dituzte Zubietako erraustegia salatu eta agintariei eskatuz kontratua erakusteko.


2018-05-24 | ARGIA
Donostia erdialdean errefusarentzako edukiontziak zigilatu dituzte erraustegia salatzeko

kanpainaren barruan, Donostiako erdiguneko 100 edukiontzi zigilatu ditu Erraustegiaren Aurkako Mugimenduak, errefusaren edukiontziotan hondakinak uzten dituzten auzotarrak informatzeko oharrak ipiniz.


Azkenak
EGILEA
Eguneraketa berriak daude