EH Bilduk eskatu dio Urtarani inplikatuta dauden eragileekin adosteko Gasteiz Antzokiaren proiektua

  • Lazarraga elkartearen proposamenarekin bat dator EH Bildu; proiektua Eskoriatza-Eskibeleko etxadian kokatzea, baina proposamena birplanteatuz, Auzolana pilotalekua kolokan jarri gabe.

Arabako Alea @ArabakoALEA
2017ko urtarrilak 11
Irudian, Auzolana pilotalekua.

Gasteizko Kafe Antzokiaren kokapenak zeresana ematen jarraitzen du. Aurreko astean, Gorka Urtaran alkateak Kafe Antzokiaren eta Oihaneder Euskararen Etxearen proiektuaren lehen fasea Eskoriatza-Eskibeleko etxadian (frontoia barne) kokatuko zuela berretsi zuen. Halaber, Udalak "ideien lehiaketa" zabalduko duela iragarri zuen "arkitektoen ekarpenak jasotzeko". Ondoren, Oihaneder Euskararen etxea kudeatzen duen Lazarraga elkarteak proiektua kokatzeko Eskoriatza-Eskibel aukera egokiena zela adierazi zuen; betiere Auzolana frontoia errespetatu behar dela azpimarratuz.

Orain EH Bildu Gasteizek bere kezka adierazi du, "proiektuaren garapenean Urtaranen gobernua egiten ari den kudeaketagatik". Izan ere, EH Bilduko zinegotzi Ane Aristik kritikatu du udal gobernuaren proposamena ez duela auzian inplikatuta dauden eragileen adostasunik. "Gatazkatik sortu den ekimena da eta arrakastatsua izateko aukera gutxi ditu. Horregatik guztiz beharrezkoa da, proiektua hipotekatu baino lehenago, Urtaranek akordio batetara iristea euskaltzale eta Alde Zaharreko auzokideekin”.

Pilotalekua babestu

Zehazki, alderdi abertzaleak Lazarraga Kultur elkarteak aurreko astean proposatutakoarekin bat egin du, hau da, proiektua Eskoriatza-Eskibelen etxadian garatzea, "baina proposamena birplanteatuz, Auzolana pilotalekuaren kokapena kolokan jarri gabe".

Arazoari irtenbide bat eman nahian, EH Bilduk  bilera bat eskatu dio Urtarani, "gaia desblokeatzeko eta akordio bat bilatzeko, gauza guztien gainetik, euskarari eta Gasteizi onura ekarriko diona".

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Gasteiz  |  Okupazioa  |  Euskalgintza

Gasteiz kanaletik interesatuko zaizu...
Barrutik eta kanpotik eraldatzen

Errekaleor barrutik ezezik kanpotik ere biziberritzeko bidean, pasa den astean bi ekarpen ikusgarri jaso dituzte Italiatik: Blu kale-artista ezagunaren muralak; Boloniatik Errekaleorrera etorrita, elkartasuna eta babesa eskaini dizkie artearen bitartez.


2017-07-19 | Arabako Alea
Gasteiz Antzokia eraikitzeko Auzolana pilotaleku autogestionatua botatzea baztertu du Urtaranek

"Gasteiz Antzokia errealitate bihurtzeko frontoia mantendu behar bada, hala izango da", adierazi du alkateak. Oihaneder Euskararen Etxea kudeatzen duen Lazarraga elkarteak begi onez ikusi du erabakia.


2017-07-18 | Hala Bedi
Errekaleorreko 17 emakume auzipetu dituzte, eraso sexistak salatzeagatik

Erasoak etengabekoak izan direla salatu dute auzipetutako emakumeek. Elkarretaratzera deitu dute ostiralean, epaitegien parean.


2017-07-17 | Arabako Alea
15.000 euro behar ditu Errekaleor Bizirikek diru-bilketa kanpaina amaitzeko

Dagoeneko, diru-bilketan zehaztutako %85 lortu dute. 400 baietz! lemapeko azken txanpan parte hartzeko deia luzatu diete herritarrei. Astebete falta da epea amaitzeko.


2017-07-13 | ARGIA
Errekaleorreko eraikinak egoera onean daudela ziurtatu dute arkitektoek

Arabako Arkitektoen eta Aparejadoreen kolegioen zigilupean, hamabost arkitektok sinaturiko txostena erregistratu dute gaur Gasteizko Udaletxean, Urtaranen gobernuak argudiatutako "segurtasun arriskuak" gezurtatuz.


2017-07-13 | Xalba Ramirez
Euskararen erabilera: 12 grafiko kezkagarri

Soziolinguistika Klusterrak bost urtean behin egiten duen ikerketaren emaitzak aurkeztu berri dituzte. Azken hamar urteetan kale-erabilerak gora egiteari utzi eta mantendu ordez, beheranzko joera hasi da.


2017-07-12 | ARGIA
Betagarri taldearen agurra: Hatortxu Rocken emango du azken kontzertua

24 urteko ibilbidearen ostean, agur esango die Betagarrik eskenatokiei Hatortxu Rock festibalean.


2017-07-10 | Arabako Alea
Errekaleor eraisteko txostenik ez dagoela salatu dute

Irabazi, Podemos eta EH Bildu udal taldeek agerraldia egin dute gaur, eta Errekaleor auzoaren eraispena justifikatzeko udalaren txostenik ez dagoela salatu dute.


2017-07-07 | Arabako Alea
EHZ festibalaren aldeko elkartasun jaia egingo dute Gasteizen

EHZ festibala bertan behera geratu zela jakinarazi eta berehala hainbat jaialdi txiki sortu dira eta sortzen ari dira hari babesa emateko, Elkartasun erauntsia lelopean. Besteak beste, Bilboko Biba kulturgunean eta Donostiako Bukowskin antolatu dituzte elkartasun jaiak, eta datorren astean, hilaren 11n, Gasteizko gaztetxean egingo dute. 


Filma egingo dute Gasteizko martxoaren 3ko sarraskiari buruz eta aktore bila ari dira

Gasteizen 1976ko martxoaren 3an poliziak hildako langileei buruzko filma errodatuko dute Victor Cabacoren zuzendaritzapean.


Eguneraketa berriak daude