Egyptair konpainiako hegazkina bahitu duen gizona atxilotu du Zipreko poliziak
Zipreko Larnaca aireportuan hegazkin bat lau ordutik gora bahituta eduki ondoren, bahitzailea eskuak altxata atera da hegazkinetik eta poliziak atxilotu egin du.
Egyptair konpainiako hegazkinak Alexandria eta Kairoren arteko bidaia egin behar zuen. Pilotuak Zipreko Larnacako aireportuan lur hartzeko baimena eskatu du bidaiari batek gerriko-bonba bat zeramala jakinarazi ondoren. Oraindik ez dute ziurtatu lehergailua benetakoa den.
Nicos Anastasiades Zipreko presidenteak adierazi duenez, bahitzailearen helburua bere bikote ohiarekin hitz egitea zen. Hain zuzen, bikote ohia aireportura iritsi da negoziazioetan parte hartzeko.
Goizean zehar aske utzi dituzte bidaiari gehienak. Bahituta mantendu ditu zazpi pertsona, Egiptoko iturri ofizialen arabera: kapitaina, kopilotua, tripulazioko kide bat, segurtasun ofiziala eta hiru bidaiari.
Airbus A320 motakoa da bahitutako hegazkina, eta 55 pertsona zeramatzan, aipatu iturrien arabera. Tripulazioko kideez gain, 30 egiptoar, zortzi estatubatuar, lau britainiar, bi belgikar, lau herbeheretar, eta italiar bat zeuden, The Guardian egunkariaren arabera.
Egiptoko eta Zipreko agintarien esanetan, bahitzailearen izena Seif al Din Mustafa da.
Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]
New Yorkeko Unibertsitateko ikerlari talde batek esperimentu bat egin berri du, Gizako esfingearen materialak eta eraiki zuten garaiko baldintza klimatikoak imitatuz.
Gerra eta gezurra bat doaz eta oso gaitza da jakitea gerra batean nor zertan dabilen kazetariak edo bestelako iturriak tartean ez badira. Israelek historikoki erakutsi du ezpata dantzatzeko indarra eta gezurra maneatzeko abilezia. Orain Gaza bonbardatzen ari denean, ospitaleei... [+]
Joe Bidenen agindupean, AEBetako gobernuak Gazan garbiketa etnikoa gauzatzeko planak egin zituen 2,3 milioi palestinar Egiptora bidaltzen saiatuta. "Biden presidentea beste herrialde batzuekin batera plana lantzen ari da, zibilek Gaza utzi eta Egiptorako muga segurtasunez... [+]
Kairo, 1250eko maiatzaren 2a. Shajar Al-Durr Egiptoko sultan izendatu zuten. Ez zen emakumezko lehen sultana izan; urte batzuk lehenago, 1236an, Raziak Delhiko sultan kargua hartu zuen. Baina esklabo izatetik agintari gorena izatea lortu zuen lehena izan zen.