Egiatarrak euskara hutsean bizitzen hasteko prest dira

  • Lehenengo txandan Donostiako Egia auzoko 18 talde inguruk probatuko dute zer den goizetik gauera euskaraz aritzea. Ondoren, egiatar norbanakoek astebete izango dute proba bera egiteko.

ARGIA @argia
2016ko urtarrilaren 08a
‘Egian Euskaraz Bizi Nahi Dugulako’ ekimena aurkeztu zuten azaroaren 28an Donostiako Egia auzoan. Argazkian ekimena babestu duten norbanakoak eta elkarteak ageri dira. Argazkia: Egiako Euskara Batzordea.

Urtarrilaren 8tik otsailaren 26ra taldeak arituko dira eta otsailaren 26tik martxoaren 4ra norbanakoak. Martxoaren 12an Egia Euskaraz Eguna ospatuko dute eta emaitzak partekatuko dituzte.

Egia Euskaraz Batzordea da ekimenaren bultzatzaile, eta haien ustez, ekimenaren nolakotasunaren “errudun” Lutxo Egia da. Bilbotar idazleak hilabete osoa igaro zuen euskaraz soilik hitz egiten eta Berria egunkarian egunero hausnarketak idatzi zituen.

Egiatarrek Euskararen Nazioarteko Eguna ospatzen dute urtero, baita bi urtez behin (Korrika ez denean) Egia Euskaraz Eguna ere. Haratago joan nahi zuen ordea Egia Euskaraz Batzordeak. Hala, zazpi astez txandaka eragileak (auzoko talde eta elkarteak) jo eta su euskaraz arituko dira, harik eta komunikazioa oztopatu arte. Dendaria izan daiteke, senidea edo dantza taldekoa, euskaraz egiten ez duena baina dena ulertzen duena. Hala ere, halakoetan gaztelaniaz egiteko joera dago. Astebete horretan halako inertziak apurtzeko aukera asko izango dira. Euskaraz ez dutela ulertzen diotenak ere parean izango dira. Haiek motibatzea ederra litzatekeela uste dute Batzordekoek. Ez jakin auzotarrek, dendariek eta bestelakoek zein jarrera hartuko duten astebetez euskaraz bizitzeko konpromisoa hartu duten horien aurrean.

Argian abendu hasieran argitaratutako erreportajea eta ekimenean parte hartzekoa den Marixol Agirre Begiristaini egindako elkarrizketa irakur ditzakezu lotura honetan.

Kanal hauetan artxibatua: Euskalgintza  |  Donostia  |  Hizkuntza eskubideak

Euskalgintza kanaletik interesatuko zaizu...
Nafarroan Euskararen Lege berria idazteko elkarlanean oinarritutako dinamika aurkeztu du Kontseiluak

Lau lan-bilera eginen dira herritarren ekarpenak jasotzeko: maiatzaren 2an Tuteran, 4an Lizarran, 8an Barañainen eta hilabete amaieran Elizondon.


2018-04-17 | ARGIA
Diasporako eta Euskal Herriko 100 gazte aukeratu ditu EuskarAbenturak uztaileko espediziorako

Hiritarrak eta herri txikietakoak, dantzariak eta kirolariak, interes eta talentu anitzeko gazteak elkartuko dira uztaileko EuskarAbenturan. Euskal Herriko herrialde guztietakoak daude taldean.


2018-04-17 | Euskara ari du
Euskara, irabazteko bidean?
MULTIMEDIA - solasaldia

Berriako kazetari Garikoitz Goikoetxeak hitzaldia egin zuen Hernaniko Biterin apirilaren 11n. Euskara irabazteko bidean liburuan, euskalgintzako 100 eragileren iritziak bildu zituen. Liburuko edukia eta bere kazetari-esperientzia oinarri hartuta, aurrera begira hartu beharreko bideei buruz mintzatu zen.

Hitzaldia hamar galderatan egituratu zuen kazetariak, eta galdera bakoitzaren ondoren ideia, iritzi edo datu nagusi batzuk laburbildu.  Honako hauek dira hamar galderak

1... [+]


2018-04-10 | Euskal Irratiak
"Libre gara euskara mintzatzeko eta hedatzeko, hori ez da Parisen afera, gurea da"

Battittu Coyos Euskaltzainak, "Euskal Elkargoaren sortzea eta euskararen geroa" izenburua duen liburua argitaratu berri du. Berarekin hitzegiteko aukera izan du Euskal Irratiak:


Sebastien Castet, Euskal Konfederazioko kidea
Euskalgintzaren begirada, apirilean Euskal Elkargoak aurkeztuko duen hizkuntza politikari

Euskal Elkargoak hizkuntza politika bere gain hartzearen alde agertu ziren  gehiengo handian egitura berri honetako hautetsiak, iazko otsailean. Apirilaren 14an aurkeztuko dute hizkuntza politika proiektua. Horrez gain, jakina da instituzioak euskarari ezagupen bat emanen dion adierazpen bat ere aurkeztuko duela. Zein motatako aitortza izango den ez bada zehazturik, adierazpen garrantzitsua izango dela erran daiteke. Guzti horretaz xeheki hitz egin digu Sebastien Castet Ipar Euskal Herriko... [+]


2018-03-22 | Euskara Zuian
Gorbeialdeko euskaltzaleen topaketa
MULTIMEDIA - erreportajea
Urtarrilaren 27an egin zuten Zuiako liburutegian (Murgian) Gorbeialdeko euskaltzaleon I. topaketa, "Zerk mugitzen gaitu?" lemapean, Gorbeialdeko Kuadrillako euskara zerbitzuak antolatuta. Gorbeialdea osatzen duten sei udalerrietako euskaltzaleek hartu zuten parte, egiten duten lanaren berri eman eta hori egiteko arrazoiak zein diren aletzeko.

2018-03-20 | Txerra Rodriguez
Martxoaren 8ko greba feministatik irakaspenik euskalgintzetan?

Martxoaren 8ko grebak astindu ditu han eta hemen egitura batzuk. Ikusiko dugu astinaldi horiek iraunkor eta finko bihurtzen dituzten emakumeek*. Espero dezagun baietz.


Euskalgintzak bidean ikasitakoa

Argia, Elhuyar, Ikastolen Elkartea eta Elkar bildu ziren mahai-inguruan martxoaren 15ean Andoaingo Martin Ugalde Kultur parkean. Euskaratik sortutako lau eragileek gaur egungo haien balioetatik hitz egin zuten.


Azkenak
EGILEA
Eguneraketa berriak daude