Edesaren Basauriko fabrika lekualdatu dezakeela jakinarazi du Catak
200 enplegutik 65 mantenduko dituela iragarri du enpresa kataluniarrak, baina ez du konfirmatu fabrikak Basaurin jarraituko duen ala ez. Izan ere, Cata Edesaren marka eta makineriaren jabea da, baina ez ordea pabiloi eta bulegoena.
Instalazioak enkantean atera daitezke urtea bukatu baino lehen. Catak orduan eskaintza egin dezake horiek eskuratzeko, edo eraikinak alokatu jabe berriari, betiere honek beste proiekturen bat buruan ez badu.
Hirugarren aukera ere badago: CNA taldeak (Cataren jabea eta Fagorren aktiboen esleipenduna) eraikinei uko egitea eta Edesa EAEn erosi duten beste planta batera eramatea; Eskoriatzara, Garagartzara edo Bergarara.
Basaurik lan- eta ekonomia-eragile nagusienetarikoa galduko luke Edesa beste leku batera eramango balute. CNAk Basaurin jarduera mantentzeko intentzioa duela iragarri du, baina ez du xehetasun gehiagorik eman.
“Zehaztasun eza”
Edesako langileen beldur nagusia da Catak fabrika eraistea eta beste leku batera eramatea, eta behin baino gehiagotan salatu dute talde kataluniarraren “zehaztasun eza” beren asmoei buruz. “Produkzioa Basauritik eraman zezaketen zurrumurruak zeuden aspalditik, eta antza denez egia da”, adierazi dio Edesako langile batek EFE agentziari.
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.
Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]
Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]
Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.
Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]