Ebroren emaria, estatu afera Kataluniako independentistentzat

  • “Emaririk gabeko Ebro Deltaren heriotza da” lelopean, milaka pertsonak hartu zuten parte Ebroren Arroko plan hidrologikoaren aurka Ampostan (Tarragona) antolatutako manifestazioan, Llibertat webguneren arabera.


2016ko otsailaren 08an - 10:10
Milaka pertsonak hartu zuten parte Ebroren aldeko manifestazioan.

Kataluniako alderdi politiko guztiek egin zuten bat deialdiarekin, PPk eta Ciutadansek izan ezik. Alderdi politikoez gain, Ebroren aldeko Plataformak (PDE) eta Biltzar Nazional Katalanak (ANC) ere manifestazioan parte hartzeko deia egin zuten. ANCk 7.000 pertsona baino gehiago mobilizatu zituen, “Ura bizitza da” lelopean, Espainiako Estatuaren erasoetatik defenditzeko, eta beraien errekurtso propioak kudeatzeko eskubidea aldarrikatzeko.

Rajoyren erabakiak alerta eragin du

Mariano Rajoyren jarduneko Gobernuak urtarrilean onartu zuen Plan Hidrologikoak alarmak piztu ditu Deltan. Herritarrek eskatu dute ibaiaren azken zatiko emari minimoa handitzea. Espainiako Gobernuak ez die kasurik egin, eta 3.000 hektometro kubikotan ezarri du. Generalitateak eta PDEk adostu zuten emaria 5.871 eta 9.907 hektometro kubiko artekoa izatea.

PDEk salatu duenez, 5.500 hektometro kubiko baino gutxiagoko emari ekologikoa “kondena” izango litzateke: “Ur gutxiago ailegatuz gero, sedimentu gutxiago ailegatuko lirateke deltara, eta bere desagerpena bultzatuko luke horrek”, adierazi du Susanna Abella PDEko bozeramaileak.

Amparo Moreno Bartzelonako Unibertsitate Autonomoko katedradunak manifestazioaren amaieran irakurritako manifestuan gogorarazi du ez dela “ingurumen arazoa soilik, baita arazo soziala eta ekonomikoa ere”, eta Europaren interbentzioa eskatu du beste plan bat egiteko. Manolo Tomás PDEko bozeramailea ere “errekurtso guztien beharraz” mintzatu da, eta Europar Batasunaren eta Kataluniako Gobernuaren interbentzio zuzena eskatu dute.

CUPek Generalitateari nurriak eskatu dizkio

Sergie Saladiék, CUPeko diputatuak, eskatu du Kataluniako Parlamentuak eta Gobernuak hausnartu dezatela uraren kudeaketaren arazoen inguruan, Ebroren inguruko aldarrikapen guztiak plan hidrologikoan barnebiltzeko, eta herrialdeen arteko enfrentamenduak saihesteko.

Saladiék adierazi du Kataluniako plan hidrologikoak ere ibaietako emaria txikiagotzea aurreikusten duela; horren aurrean, “gaur hemen defenditzen ari garen guztia errespetatzen duen kataluniar legedia egiteko gai izatea” aldarrikatu du.


Kanal honetatik interesatuko zaizu: Herrialde katalanak
2024-03-18 | Gedar
Kataluniako 5.000 preso konfinatuta izan ditu Generalitateak

Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.

 


Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


Amnistia Legearen proposamena onartu du Kongresuak eta haren bidean Kataluniako hauteskundeak sartu dira

Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.


Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


hauteskunde aurrerapena Katalunian
Juntsek dio Puigdemont izango dela bere hautagaia maiatzaren 12ko hauteskundeetan

Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]


Eguneraketa berriak daude