Errusia futa eta barazki askoren esportazioen merkatua zen EBko inportazioei urtebeteko blokeoa iragarri zutenean. Ondorioz, “ehunka merkatu blokeoaren ondorioak nabaritzen” hasi direla iragarri du Europako Batzordeak.

Diru-laguntzen zatirik handiena elikagaiak erosi eta doako banaketa guneetara eramateko bideratuko da. Izan ere, kenduko dituzten frutak eta barazkiak sasoikoak dira, eta ez dago aukerarik merkatu alternatiborik bat bilatzeko elikagaiak hondatu baino lehen. Uztak ez jasotzeagatik edo heldu aurretik jaso baharragatik ere konpentsazioak jasoko dituzte nekazariek.

Errusiaren betoak fruta eta barazki hauetan du eragina, besteak beste: perretxikoak, azenarioak, aza zuria, azalorea, tomateak, piperrak, sagarrak, mahatsak, kiwiak eta fruitu gorriak.

EBk adierazi du diru-laguntzak ez direla estatuka banatuko, neurriaren helburua “europar merkatuko prezioak mantetentzea” delako. Ekoizleen elkarteek erabakiko dute produktu bakoitzak zer prezio duen eta zer kendu behar den merkatutik, eta laguntza handiagoa izango da doan banatuko diren elikagaientzat . Hala ere, diru-laguntzak kalteak nozitutako nekazari guztiek jasoko dituzte, elkarteen kide izan ala ez.