Eako Poesia Egunek egoera ekonomiko eta soziala izango dute ardatz
Uztailaren 19tik 21era izango dira Eako Poesia Egunak, hamargarren edizioa. Inoiz baino gehiago, gaur egun bizi dugun egoera sozioekonomikoa eta poesia bat egiten ahaleginduko dira. Asun Landa Herrijeri Emon Arnasa elkarteko kideak nabarmendu du beharrezkoa dela poesiak egungo errealitateaz gogoetatzea.
Gabriel Arestiren bertso lerro bat baliatu dute lelo moduan: Ikusgarria da hemen bidegabea. Hitzaldiak, errezitaldiak eta musika emanaldiak han-hemen izango dira. Patxo Telleriak Arestiren Euskararen izen poetikoak testuaren irakurketa dramatizatua egingo du. Azken aldian poesia lanak argitaratu dituzten Rikardo Arregi, Hedoi Etxarte, Castillo Suarez eta Oier Guillan izango dira haien lanak aurkezten. Gonbidatu berezia berriz, Fabiana Boer Donostian bizi den argentinarra da.
Mikel Martinez eta Iñaki Ziarrustak Mikel Antzak propio Earako sortutako testua (Sumak kawsay) irakurriko dute. Urrats galduen bidea ikuskizuna ere propio atondu dute antolatzaileek. Burdinola bat oinarri hartuta ibilbideko testuak sortu dituzte. Ainhoa Alberdik ikuskizun bat eskainiko du han bertan eta Idoia Beratarbidek instalazio bat paratuko du.
Kantuan arituko dira Eñaut Elorrieta, Josu Bergara eta Eñaut Etxamendi. Luzien Etxezaharretak berriz, hitzaldia eskainiko du.
Egitaraua antolatzaileen webgunean ikus daiteke.
Araba, Bizkaia eta Gipuzkoako liburutegietan 2,7 milioi mailegu egin ziren 2023an, 2018an baino 100.000 inguru gehiago.
Eguzkiarekiko gertutasunak moldatu egin ei du Lurrak duen abiadura, eguzkia inguratzeko mugimenduan. Beste abiadura batzuk ere badira, ordea, eta balirudike lurraren abiada gero eta azkarragoa dela edo, bederen, aldaketak etengabean ditugula orpoz orpo jarraika. Egoera honetan,... [+]
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]