EAJk eta PSOEk Mozal Legearen aurka egindako lege proposamenak onartu ditu Espainiako Kongresuak
Mozal Legea aldatzeko EAJk eta PSOEk aurkeztutako lege proposamenak onartu ditu Espainiako Kongresuak. Testuak orain Barne Batzordean aztertuko dituzte, legearen aldaketa martxan jartzeko. Jeltzaleek legearen erreforma proposatu dute eta sozialistek, berriz, indargabetzea.
PSOEren proposamenak 176 aldeko boto, 130 aurkako eta 33 abstentzio eskuratu ditu. EAJrenak, berriz, 211 aldeko, 129 kontrako eta abstentziorik ez. Kongresuko 350 kideetatik 340k parte hartu dute bozketan.
Kongresuan bozkatutakoa batzordean eztabaidatu beharko dute orain, eta osoko bilkurara itzuli, behin betiko onartu edo baztertzeko. Mozal Legea lege organikoa da, hori dela eta, aldatu edo indargabetu ahal izateko Kongresuaren gehiengo absolutua behar du; alegia, 176 baiezko boto. Hortaz, asteartean jarrera ezberdinak hartu zituzten alderdiak ados jarri beharko dira.
PSOEren proposamenak kritika ugari jaso ditu. Talde parlamentarioek leporatu diote Mozal Legearen indargabetzearen bitartez 90. hamarkadako Corcuera legeara itzuli nahi izatea. Alderdi Popularrak “itxurakeria” leporatu die sozialistei.
Mikel Legarda jeltzaleak defendatutako proposamena begi onez ikusi du PPk, PSOEk esandakotik baino "askoz gertuago” daudela adierazi dute popularrek.
EAJk arau-hauste larrienak mantenduko ditu
PSOEk Mozal Legearen neurri polemiko batzuk kentzea proposatu du: 30.000 eta 600.000 euro arteko isunak eta bide publikoa okupatzeagatik zein polizia-agenteei errespetua faltatzeagatik ezartzen diren isunak. EAJk, berriz, neurri horiek mantendu nahi ditu.
Puntu batzuetan bat egin dute alderdi biek. Besteak beste, Kongresuaren eta antzeko azpiegituren aurrean mobilizatzeagatik edo poliziaren irudiak zabaltzeagatik jartzen diren isunak indargabetzea.
No Somos Delito eta Eleak/LIbre mugimenduak oso kritiko azaldu dira bi aldedien proposamenen aurrean. Legea indargabetu baino jarrera alderdikoiak eta protagonismo nahiak gailentzen ari direla adierazi dute.
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]