Katalunian Gobernua osatzen denean, iaz egin bezala, EAJk Espainiako Aurrekontuak aurrera aterako dituela uste du Espainiako Ekonomia Ministroak.
“Nik uste aurrekontuak egongo direla”, De Guindos Espainiako Ekonomia Ministroak SER irratian egindako adierazpenak dira aurrekoak. EAJk Espainiako aurrekontuak babestuko dituela uste du, Katalunian Gobernua osatu ostean, “guztioi interesatzen zaigu” gaineratu du.
Ministroaren ustetan, aurrekontuen inguruko negoziazioa, Kataluniak “baldintzatu du”. Behin Kataluniako Gobernua osatuta ordea, EAJ negoziaketarako prest ikusten du. Bere ustez, iaz egin bezala, Espainiako aurrekontuak berriz ere aurrera aterako dira PP, Ciudadanos eta EAJren babesarekin.
Itxaso Atutxa EAJko BBBko lehendakariaren esanetan, aldiz, jeltzaleek ez dituzte aurrekontuak onartuko Kataluniako egoera normaldu arte, eta gogoratu du Carles Puigdemont Bruselan dela oraindik eta hainbat ordezkari politiko preso direla.
Hauteskundeen ondorengo egoera ere aztertu du Atutxak, Radio Euskadiko Boulevard saioan egindako elkarrizketan eta esan du independentismoa ez dela iritsi %50era baina hor daudela ia eta horrek "borondate argi bat" adierazten duela. Politika egiteko garaia dela aldarrikatu du, arazoa elkarrizketa bidez bakarrik konpon daitekeela eta alde biei negoziaziorako jarrera eskatu die.
Pedro Sánchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta.
Pedro Sanchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta. Uda ondorenean, baina, 2019koak aurkeztu beharko ditu. Horregatik, komeni da duela hilabete aurkeztu zituen bere plan alternatiboak... [+]
EAJk PPren gobernuaren aurrekontuak babestu ditu "erantzukizunez" jokatu duela iritzita. Konstituzioko 155. artikuluak Katalunian indarrean jarraitu bitartean Rajoyren aurrekontuak ez zituela onartuko berretsi izan du behin baino gehiagotan alderdi jeltzaleak. Hautsak... [+]
EAJko zuzendaritza batzartu egin da asteazken honetan, eta Euzkadi Buru Batzarrak jakinarazi duenez, erabaki dute Espainiako Kongresuan dituzten bost diputatuek aldeko botoa ematea Rajoyren Gobernuaren aurrekontuei.
Espainiako Gobernuko aurrekontuak bozkatuko dituzte gaur Madrilen, eta horiek onartzeko ezinbestekoa dute EAJren babesa. Jeltzaleek ez dute bozkatuko dutenaren berri emanen azken momentura arte.