EAJ eta 155. artikulua: jeltzaleak aurrekontuen balantzan

  • Aurrekontuak mahai gainean daude, Euskal Autonomia Erkidegoan eta Espainiako Estatuan. 155. artikuluaren aplikazioak eta oro har, Kataluniako prozesuak aurrekontuen afera baldintzatu du.

Andoni Mikelarena @andonimik
2017ko urriaren 31

“Begiratu iezaiozu PSOEri Estatuko aurrekontuak onartzeko”, hitz hauekin erantzun dio EAJk Alderdi Popularrari 155. artikuluaren aplikazioa onartu ostean, eldiario.es egunkari digitalak jaso duenez. Kataluniako autonomia interbenitu du Madrilek eta hauteskundeetara deitu du. Aurrekontuak onartzeko EAJren orain arteko laguntza galdu duela dirudi gaur-gaurkoz.

Aurrekontuak ez dira Madrilen onartu behar soilik. Euskal Autonomia Erkidegoan ere hasi dituzte aurrekontuak adosteko negoziazioak. Pedro Azpiazu Ogasun sailburuak esan zuen ez zuela nahi Kataluniako gaiak EAEko aurrekontuetan eragitea, baina ez da erraza izango.

Orain arte aldebiko estrategiari heldu dio EAJk, hau da, Madrilen jeltzaleek laguntzen zioten PPri aurrekontuak aurrera ateratzen eta EAEn alderantziz. Madrilek Kataluniaren inguruan hartutako erabakiak ordea, guztiz baldintzatu du EAJren jarrera. EAJren esanetan Espainian gehiengo berri bat sortu baita, “155. artikulua aplikatzen dutenena”. Antón Damborenea PPko eledunak EAJri ohartarazi dio “EAE ez da uharte isolatu bat, Katalunia ez den bezala”. Eta beraz, PPk EAEko aurrekontuak onartzeko marra gorri batzuk jarriko ditu.

Jeltzaleak, 155aren aurkako manifestazio deialditik kanpo

Aurreko ostegunean manifestazio bateratu baterako deialdia egitekotan ziren Euskal Herriko gehiengo sindikal eta politikoa 155. artikuluaren aurka. Agerraldi hori bertan behera geratu zen, Urkulluren bitartekaritzak izango zuen zerikusirik. Azkenean astelehen arratsaldean egin zuten larunbaterako manifestazioaren iragarpena, baina, aurreko astean deialdiaren parte bazen ere, EAJk erabaki zuen deitzaileen zerrendatik kanpo geratzea.

Aurrekontuak onartzeko prozesuan murgilduta dago EAJ, eta agian Kataluniarekiko jarrera aldatzeko eskatu diote batzuek aurrekontuak onartzearen truke. Bestela zaila da ulertzen, duela hilabete Gure Esku Dagorekin eta EH Bildurekin batera erreferendumaren aldeko manifestaziora deitzea eta orain ordea, 155. artikuluaren aplikazioaren aurkako manifestaziotik kanpo geratzea. Aurrekontuen balantzan murgilduta dago EAJ.


EAJ kanaletik interesatuko zaizu...
2017-11-17 | Unai Brea
Petronorreko emisioen kontrolak "lasaitzea" leporatu dio Podemosek Jaurlaritzari

Petronorren funtzionamendu txarrari –“programatu gabeko 70 geldialdi eta kontrolik gabeko hainbat hauts emisio azken urte bietan”– Jaurlaritzak behar bezalako erantzunik ematen ez diola eta, areago, findegiaren emisioen kontrolerako irizpideak leundu dituela esan du Eusko Legebiltzarrean Elkarrekin Podemoseko Jose Ramon Becerrak. Gobernuak Petronorri “tratu berezia” ematen ote dion ere galdetu dio Arantza Tapia sailburuari.


2017-11-17 | ARGIA
Eusko Legebiltzarrak ez du Kataluniako Errepublika aitortu

Kataluniako Errepublika onartzeko EH Bilduren proposamena ez da aurrera atera Eusko Legebiltzarrean. EAJren zuzenketa onartu du EH Bilduk.


2017-11-15 | Miren Osa Galdona
Murrizketa sozialen kontrako txistu artean hartu dute Urkullu Barakaldoko ekitaldi batean

Txistuekin eta protestekin eman diote ongietorria Barakaldoko hainbat herritarrei Iñigo Urkullu lehendakariari. Eusko Jaurlaritzak, Barakaldoko Udalak eta Inguralde enpresa publikoak berak gauzatutako lan politika eta eginiko murrizketa sozialen aurka egin dute protesta.


2017-11-15 | Axier Lopez
Ongi etorri armak, refugees go home!

Bilboko Portuaren plan estrategikoaren onurak hedabidez hedabide azaltzen aritu da Asier Atutxa presidentea. Baina, enpresariek beren enpresez hitz egitean ohikoa duten autobonboaz aparte, bi galdera ‘deseroso‘ erantzun behar izan ditu. Bata, errefuxiatuak portura ez sartzeko eraikitzen ari diren harresiari buruz. Eta bigarrena, martxoan Ignacio Robles suhiltzaile desobedienteak piztu zuen eztabaidaren harira, Saudi Arabiara bidean Bilboko Portuan izan diren armaz betetako... [+]


2017-11-14 | Unai Oņederra
Barkamen eske, #155ariEZ manifestazioaren arrakastagatik

Zapore mingotsa utzi dit azaroaren 4ko Bilboko manifestazioaren biharamunak. 155. artikulua salatzeko manifestazio arrakastatsua egin, eta zertaz hitz egin zen astelehenean? Euskal Herria ez da Katalunia.


2017-11-10 | Axier Lopez
Bilboko Mercadonak ateak itxiko ditu Udalak legez kontra lur-saila birkalifikatzeagatik

Miribillako Urretxindorra Ikastolaren patioa zenaren lurren kalifikazioa aldatu zuen Bilboko Udalak, Mercadonak bere supermerkatua egiteko. Lurrak legez kontra birkalifikatu zituela ebatzi du EAEko Auzitegi Gorenak. Beraz, supermerkatu kate handiak ateak itxi beharko ditu Bilbon.


2017-11-10 | Unai Brea
Galdakaoko Udala Usansolo desanexionatzeko prozesua moteltzen ari dela salatu dute

Usansolo Herria (UH) taldeak prentsaurrekoa eman du, Usansolo Galdakaotik bereizteko 2016an martxan jarritako prozedura Galdakaoko EAJren eta batik bat Ibon Uribe alkatearen jarreragatik geldotzen ari dela salatzeko. Usansoloren mugak zeintzuk diren berresteko bertoko herritarren sinadurak aurkeztu dituzte.


2017-11-10 | Andoni Mikelarena
EAJ eta PPk frankismoaren biktimek ordain juridikoa izatearen aurka bozkatu dute Eusko Legebiltzarrean

Elkarrekin Podemosek frankismo garaiko epaiak indargabetzeko legea aurkeztu zuen atzo Eusko Legebiltzarrean. EAJ eta PPren ezezko botoengatik proposamena ez da aurrera atera.


2017-11-06 | Andoni Mikelarena
"Lehendakari, hauteskundeetara deituko dut"

Egun erabakigarria izan zen urriaren 26a Kataluniako prozesu subiranistarentzat. Carles  Puigdemonti “traidore” deitzetik txalo egitera pasa ziren herritar ugari. Baina zer pasa zen ostegun hartan? Enric Juliana La Vanguardiako kazetariak artikulu batean azaldu du bere iturriek jakinarazitakoa.


2017-11-02 | Unai Brea
"Herri honen etorkizunagatik egon behar dugu larunbateko manifestazioan"

Katalunian 155. artikulua ezarri izanaren aurka eta erabakitzeko eskubidearen alde manifestaziora deitu dute, larunbaterako, Gure Esku Dagok, EH Bilduk eta gehiengo sindikalak. Mobilizazio deialdi horren karietara hitz egin dugu EH Bilduko legebiltzarkide Maddalen Iriarterekin. “Espero dugu manifestazio hau ere aurrekoak bezain arrakastatsuak izatea, asko dago-eta jokoan”, esan digu.


Azkenak
EGILEA
Eguneraketa berriak daude