Isabel Celaá Eusko Jaurlaritzako Hezkuntza sailburuak Lehen Hezkuntzako 4. mailako ikasleen erradiografia aurkeztu zuen atzo. Beste hainbat emaitzekin batera, hizkuntza mailaren inguruko datuak eman zituen.
Euskararen ezagutza mailari dagokionez, ikasleen %32,9ak gutxieneko maila du, %36,6ak maila ertaina eta %30,5ak maila aurreratua. D ereduan ezagutze mailaren ehunekoak hauexek dira, aurreko orden berean: %22,9, %38,6 eta %38,5; B ereduan %38,2, %39,4 eta %22,3; eta A ereduan %85,3, %12,1 eta %2,6.
Gaztelaniaren ezagutza maila, datu orokorrei helduta, honakoa da: gutxieneko ezagutza maila ikasleen %17,9ak du, maila ertaina %55,1ak eta maila aurreratua %27,1ak.
Bestalde, PPk hezkuntzako akordioa apurtu izana leporatu dio Isabel Celaári, A ereduaren eskaera datuak ezagutzeko eta eskaera hori asetzeko ez duelako nahikoa ahalegin egin.