EAEko heriotza duinaren legeak ez ditu eutanasia eta lagunduriko suizidioa jasoko

  • EH Bilduk eta EAJk onartu dute Legebiltzarrean heriotza duinaren inguruko testua. Legealdiko azken jardunean onartuko dela aurreikusten da, ekainaren 30ean. Lege berriak ez ditu lagunduriko suizidioa eta eutanasia jasoko.


2016ko ekainaren 20an - 12:42

Espainiako Zigor Kodeak eutanasia eta lagunduriko suizidioa zigortzen ditu gaur egun. Arautegi horrekin sor daitezkeen bateraezintasunak saihesteko bultzatu dute idazkia EH Bilduk eta EAJk. Lege proposamenak hilzorian daudenen eskubide zehatz batzuk aintzat hartzen ditu, esaterako, gaixoek non hil nahi duten erabaki ahalko dute, etxean ala erietxean.

Rebeka Ubera EH Bilduko legebiltzarkidearen arabera lege berri hau onartzea “bizitzako azken etapan daudenen eskubideak eta duintasuna bermatzeko pauso garrantzitsua da”.

Iaz EAEko Legebiltzarrak Zigor Kodea aldatzeko eskatu zuen eta ildo horretatik egin dute lan orain arte alderdiek, PPk izan ezik. Eutanasia despenalizatzeko ahaleginetan aritu dira EH Bildu, EAJ, UPyD eta PSE-EE eta bide horretan jarraituko duela azpimarratu du azken alderdi honek.


Kanal honetatik interesatuko zaizu: Eutanasia
Eutanasiari buruzko lege-proiektua jakitera eman du Macronek apirilerako

Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.


2023-12-21 | ARGIA
Eskatzen dutenen erdiak lortzen du Eutanasia Legearekin hiltzea Espainiako Estatuan

2022an 576 herritarrek eskatu zuten hiltzeko laguntza eta 288k lortu zuten Eutanasia Legearen babesa. 2021eko ekainean jarri zen indarrean legea eta, harrez geroztik, 749 pertsonak erabili dute. 2021ean 173 izan ziren eskaerak eta 75 izan ziren onartuak.


2023-03-31 | ARGIA
2021etik Nafarroan hamabost herritarrek heldu diote eutanasiari hiltzeko

Osasunbideko arduradunek zehaztu dutenez, bermatu da eskubidea ahalik eta berme handienekin gauzatzea bai herritarrentzat, bai eskatzaileentzat, bai haien senitartekoentzat, eta baita osasun-profesionalentzat ere.


2021-12-14 | Leire Artola Arin
Hamahiru pertsonari egin diote eutanasia EAEn eta 34k eskatu dute

Eusko Jaurlaritzak jakinarazi du 34 eskaera jaso dituztela Eutanasiaren Legea ekainean indarrean sartu zenetik; hamahiru laguni hiltzeko laguntza medikoa eman diete, eutanasia egin aurretik hil dira zortzi, beste eskakizun bati uko egin diote eta gainerako hamabiak... [+]


Eguneraketa berriak daude