EAEko enpresen %78k ez duela Sozietate Zergarik ordaintzen salatu dute ELAk eta LABek

  • EAJk eta PSEk Sozietateen Gaineko Zergan egindako jaitsieraren irakurketa bateratua egin dute ELAk eta LABek gaur goizean Bilbon. Adolfo Muñoz “Txiki” eta Mikel Noval izan dira agerraldian ELAren aldetik, eta Garbiñe Aranburu eta Bea Martxueta, LABetik.

ARGIA @argia
2017ko azaroaren 27a
ELAk eta LABek Bilbon eman dute zerga erreformari buruzko balorazioa. (Arg.: ELA)

ELAren webgunean honela laburbildu dituzte bi sindikatuek agerraldian esandakoak:

“Iragarri den Sozietate Zergaren jaitsiera ez da bidezkoa eta antisoziala da. Ez da bidezkoa urrats berria medio, diru-bilketa egitean indar handiagoa jartzen delako laneko errentetan beste zergetan baino. Antisoziala da diru-sarreren zati bati uko egitean, praktikan, zerbitzu publikoen eta prestazio sozialen murrizketa-politiken aldeko apustua sendotzen delako.

Sozietateen Zerga jaitsi izana eta Eusko Jaurlaritzaren aurrekontuak norabide berean doaz. Aurrekontu-politika eta fiskalitatearen ingurukoak parean daude. Eusko Jaurlaritzaren aurrekontu proiektuak Konstituzioaren 135. artikulua ezartzeko Mariano Rajoyren Gobernuarekin lortutako akordiotik abiatzen da, hau da, zorraren ordainketaren lehentasuna ematea bestelako gaien aurretik –osasungintza, hezkuntza, prestazio sozialak eta abar. Eusko Jaurlaritzak eta Madrilek gastu-araua adostu zuten eta honek finkatzen die muga instituzio guztien gastu igoerei, baita EAEkoei ere.

Sakoneko akordioa dago EAJ, PP eta PSEren artean desberdintasun sozialak eta pobrezia areagotu dituzten politika neoliberalak ezartzeko. Akordio horiek lan eta bizi-baldintzak zehazten dituzten gaietan ematen diren botazioetan egiten dira ikusgarri. Eta hori, Katalunian 155. artikulua inposatzen duten alderdiekin egiten du EAJk, demokraziaren kontrako eraso zuzena eginez.

Gobernuan daudenak patronalaren interesen zerbitzura daude. Patronalak opari berri bat jasotzen du, eta zergen murrizketa berriak eskatzeko bere estrategiatik onurak eskuratzen ditu.

ELArentzat eta LABentzat onartezina da Sozietate Zerga jaistea. Justu aurkakoa egin beharko litzateke. Datu ofizialen arabera, Sozietateen Zergaren Europako batez besteko presio fiskalera iristeko, zerga honen bidez bildutakoak 669 milioi eurotan egin beharko luke gora. Erreformarekin handitu egin dira aldeak. Sozietateen Zergaren tipo efektiboa %16,2koa da EAEn, tipo nominalaren oso azpikoz. Hau da, enpresek irabazitan aitortutako 100 eurotik 16,2 baino ez dituzte ordaintzen zerga horretan. Oraingo proposamenarekin kopurua jaitsi egingo da.

Baina enpresa gehienek ez dute irabazirik aitortzen, hortaz, ez dute euro bat ordaintzen Sozietate Zergan. Enpresen %55ak galerak aitortzen ditu. Eta beste %22,9k esaten du 0 dela bere saldoa edo urtean 6.000 euro baino gutxiagoko irabaziak  dituela. Bi talde hauek enpresen %78,1 biltzen dituzte”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Fiskalitatea  |  ELA  |  Eusko Jaurlaritza

Fiskalitatea kanaletik interesatuko zaizu...
2018-06-08 | ARGIA
Attac-eko militantea epaiketan errugabe: banku iruzurgileari aulkiak ostea ez da delitu

Carpentras hiriko (Frantzia hegoaldean) epaile batek errugabe deklaratu du Nicole Briend: erretiroa hartutako irakaslea, BNPk burutzen duen iruzur fiskala salatzeko bere bulegoetan aulkiak lapurtzeko ekintzan hartu zuen parte. Sei urteko espetxe zigorra eta 75.000 euroko isuna arriskatzen zituen, baina epaileak erabat libre utzi du.


Josu Jon Imazen (Repsol) ongi etorria Espainiako Gobernu berriari: ez igo zergak

Pedro Sánchezek Espainiako Gobernua hartzearekin, batek baino gehiagok gogorarazi dio duela hilabete eta erdi eskas aurrekontu “alternatiboak” plazaratu zituenean hitz emandakoak. Tartean, enpresei eta bankuei zergak igotzeko neurria dago, modu horretan gastu soziala ordaintzeko.


2018-06-07 | Juan Mari Arregi
Hitz emandakoa konplitu dezatela

Pedro Sanchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta. Uda ondorenean, baina, 2019koak aurkeztu beharko ditu. Horregatik, komeni da duela hilabete aurkeztu zituen bere plan alternatiboak gogoraraztea, gastu sozial eta zerga gehiagoko Estatua batean oinarrituak.


2018-05-20 | Juan Mari Arregi
Elkartasunetik gutxi duen "ezkutu fiskala"

EAJ eta PSEk, PPren laguntzaz elkartasunetik gutxi duen zerga-babesa edo “ezkutu fiskala” berpiztu dute Gipuzkoako aberatsenentzat, eta aldi berean menpekotasuna saihesteko laguntzak murriztu dizkie 4.330 familiari. Halaxe da.


2018-05-02 | Amaia Lekunberri
Eusko Jaurlaritza "MargŁello kasutik" erretiratu da

2006-2009 urteen bitartean Osakidetzako itxaron zerrendak kanpora ateratzean emandako ustezko irregulartasunengatik hasi zen “Margüello kasuaren” ikerketa 2009an, eta momentu hauetan Bizkaiko Auzitegi Probintzialaren sententziaren zain dago. Zuzenean kaltetua izan den Eusko Jaurlaritzak hasiera batean akusatuei egindako eskaera ekonomikoak erretiratu ditu argudiatuz ondarearen gaineko kalteak “ez direla frogatu epaiketan zehar”, pazienteak behar bezala artatuak izan... [+]


'Kontzertismoa', beste behin

140 urte bete dira Kontzertu Ekonomikoa sortu zela Araba, Bizkaia eta Gipuzkoarentzat. Euskal erakundeek garrantzi handiz ospatu dute teorian porrot baten emaitza dena, foruen abolizioaren ondoren, gure burujabetzaren azken hondar gisa hartu izan da zerga sistema berezia.


'Kontzertismoa', beste behin

140 urte bete dira Kontzertu Ekonomikoa sortu zela Araba, Bizkaia eta Gipuzkoarentzat. Euskal erakundeek garrantzi handiz ospatu dute teorian porrot baten emaitza dena, foruen abolizioaren ondoren, gure burujabetzaren azken hondar gisa hartu izan da zerga sistema berezia.


"L'Empire contre ATTAC" Parisen: Applek auzitegietan estali nahi ditu bere iruzurrak

Astelehenean zen, otsailaren 12an, epaiketaren eguna Parisko auzitegian: planetako multinazionalik erraldoienetakoa den Apple mugimendu altermundialisten ikurretakoa den ATTAC elkartea auzitegietan itotzen ahalegintzeko auzi saioa. Parisko goi epaitegiaren atarian militanteek “L’Empire contre ATTAC” antzeztu dute Stars War saileko film berri bat bailitzan, filmaren bigarren atalaren frantsesezko tituluaren hitzekin jolas eginez. Inperioa kontraerasoan datorrela, alegia…... [+]


Nicole Briend epaitzen dute gaur: 6 urteko espetxea eta 75.000 euro BNPren iruzur fiskala salatzeagatik?

Asteartean, otsailak 6, Carpentras hirian (Frantzia hegoaldean) erretiroa hartutako irakasle batek aurre egin beharko dio BNP bankuak eskatuta montatu dioten epaiketari: BNPk burutzen duen iruzur fiskala salatzeko ekintzan aulki batzuen lapurreta sinbolikoaren truke 6 urteko espetxe zigorra eta 75.000 euroko isuna arriskatzen ditu.


2018-01-04 | Andoni Mikelarena
Iruzur fiskalaren aurka egiteagatik, Applek auzitegietara eraman du Attac

Attac, globalizazioaren aurkako mugimendua, auzitegietara eraman du Applek, Europar Batasunak ezarritako 13.000 milioi euroko isuna ordaintzea eskatzeagatik.


Azkenak
EGILEA
Eguneraketa berriak daude