EAEko aurrekontuetako 350 milioi euro AHTra bideratzea salatuko dute Donostian

  • AHT Gelditu! plataformak elkarretaratzera deitu du abenduaren 23an, Eusko Jaurlaritzak Donostian duen Andia kaleko egoitzaren aurrean, 2016ko EAEko aurrekontuetan Euskal Y-aren obretarako aurreikusitako dirutzagatik (350 milioi euro) protesta egiteko. Mobilizazioa arratsaldeko 18:00etatik aurrera egingo dute.

Unai Brea @unaibrea
2015eko abenduaren 22a
Elkarretaratzera deitzeko AHT Gelditu! elkarlanak egindako kartela.

Deitzaileek azpimarratu dute AHTrako gastuen dirua Ingurumen Sailaren zorrotik hartzen dela batez ere. Zehazki, sail horren aurrekontuaren erdia inguru bideratuko da abiadura handiko trenera, adierazi dutenez. Hala, elkarretaratzearen leloa “Ana Oregi, dena orlegi: ingurumen aurrekontuen %52 AHTrako” izango da. Deialdiaren kartelean, Oregi sailburuaren karikatura ipini dute.

“Klima aldaketari buruzko Parisko gailurra amaitu berri den honetan, salatu nahi dugu Euskal Y-aren eraikuntza lanek 2,5 milioi tona CO2 isurtzea eragiten dutela”, esan du AHT Gelditu!-k. Haien ustez, ontzat emanda ere –eta ez dituzte ontzat ematen– AHTk eragingo lukeen erregai fosilen kontsumoaren beherakadaz Eusko Jaurlaritzak zabaldutako datuak, 100 urte baino gehiago igaro beharko lirateke Euskal Y-ak berotegi efektuko gas isurketak “aurrezten” hasi orduko.

Bestalde, gogorarazi dute Lakuak bideratuko duen dirutzatz gain Espainiako Gobernuko aurrekontuetan beste 290 milioi euro daudela aurreikusita Euskal Y-rako.  

   


Abiadura Handiko Trena kanaletik interesatuko zaizu...
2018-05-25 | Arabako Alea
Aramaio eta Legutioko alkateak izan dira Legebiltzarrean, AHTak eragindako kalteak salatzen

Urbinako Batzar Administratiboko presidenteak ere parte hartu zuen agerraldian.


2018-05-18 | Guaixe .eus
Tren publiko eta soziala aldarrikatu dute Altsasun

AHTren kontrako martxan haren eraginak bertatik bertara ikusteko aukera izan dute ibiltariek. Hilaren akaberarako beste ekimen bat deitu dute.


2018-05-15 | Axier Lopez
Josu Bergara (EAJ) Garraio eta Obra Publikoen sailburu ohiaren enpresari esleitu diote Donostiako AHTren geltokiko obra, 861.000 euroan

Arantxa Tapia Lakuako Ekonomiaren Garapen eta Azpiegitura sailburuak, Eneko Goia Donostiako alkateak eta Iñigo de la Serna Espainiako Sustapen ministroak Donostiako Norteko geltokiaren birmoldaketa proiektua aurkeztu zuten astelehenean, Donostiako udaletxean. Obraren helburua Abiadura Handiko Trenari sarbidea ematea da eta horren ardura Eptisa/Cinsa ingeniaritza-Jon Montero aldi baterako enpresen elkarteari esleitu diote.


AHTren lanak eginen dituen enpresak "ekitaldi politikoak" finantzatu dizkio PPri

Espainiako Sustapen Ministerioak AZVI enpresari esleitu dio Alesbes eta Erriberri arteko AHTren lanen ardura. Sustrai Erakuntza Fundazioak salatu du PP alderdiari "ekitaldi politikoak eta foroak" finantzatu dizkiola.  


Espainiako Estatuak Nafarroan gastatuko duenetik %78 AHT eta Esako urtegira bideratuko da

Espainiako Estatuko Ogasun ministro Cristóbal Montorok aurkeztutako aurrekontuen arabera, Nafarroari dagokion inbertsioan %78 AHTri eta Esako urtegiari bideratuko dio Espainiako Estatuak.


2018-03-09
'AHTrik EZ Lautada'-k 7.000 alegazioak defendatu ditu Arabako Diputatu Nagusiaren aurrean

“Lautadako hautesle errolda 9.000 pertsonakoa izanda, 7.000 alegazio baino gehiago aurkeztea da egin daitekeen demokrazia ariketarik handiena”, adierazi dio “AHTrik EZ Lautada” Plataformak Arabako Diputatu Nagusiari.


2018-03-05 | ARGIA
Sustrai elkartea ez doa Nafarroako mugikortasun batzordera, AHTan erabakiak hartuta daudelakoan

Ingurumenaren aldeko eta alferrikako azpiegitura handien kontrako borroketan ezaguna den Sustrai fundazioak jakinarazi du planto egingo diola Nafarroako Legebiltzarraren Mugikortasun batzordeak bilerarako egindako deiari. Berrikitan Madrilen 2.852 alegazio entregatu zituen Sakanan AHTarentzako egin nahi duten bide berriaren kontra.


2018-03-02 | Miren Osa Galdona
AHT ez dela beharrezkoa onartu arren, proiektuak aurrera jarraituko duela esan du Italiako Gobernuak

Italiako Gobernuak zilegitasuna eman dio NoTAV kanpainari, argitaratu berri duen txosten baten arabera. Onartu du abiadura handiko trena ez dela beharrezkoa egun lurraldearen ezaugarriak kontuan izanda. Hala ere, proiektuak aurrera jarraituko du.


2018-03-01 | ARGIA
'Zuloan' liburuaren ondorioak azaltzeko hitzaldi zikloa abiatuko dugu martxoan

AHTko langileen testigantzak eta prekarietate kasu zehatzak aurkezteaz gain, lan honek eraikuntzaren arloko gaur egungo egoeraren argazki orokorra ere ematen du.


2018-03-01 | Guaixe .eus
De la Serna sustapen ministroak: "AHT korridorea 2023rako"

Sustapen ministro Iñigo De la Sernak atzo esan zuen Nafarroako Abiadura Handiko Trenaren (AHT) korridorea 2023rako egina egonen dela. Data hori “handinahia” dela aitortu zuen ministroak berak.


Azkenak
EGILEA
Eguneraketa berriak daude