EAE eta Errioxa, hipoteka exekuzio gehiago izan dituzten erkidego bakarrak 2016an
751 hipoteka exekuzio izan ziren Euskal Autonomia Erkidegoan 2016ean, aurreko urtean baino %5,6 gehiago. Etxegabetzeek behera egin dute, baina 1.147 izan dira, hiru egun bakoitzeko, Eldiario.esek zabaldu duenez.
Euskal Autonomia Erkidegoaren ekonomia berreskuratzen ari dela ziurtatzen dute instituzioek, eta datu makroekonomikoek baieztapena berresten dute. Baina krisialdiaren aztarnak nabariak dira oraindik etxegabetzeen datuetan. Hipoteka exekuzioen kopuruak behera egin du Espainiako Estatuko erkidego guztietan, EAEn eta Errioxan izan ezik. Estatuan %29ko beherakada izan dute; EAEn, berriz, %5,6ko hazkundea, Botere Judizialaren Kontseilu Nagusiaren (CGPJ) datuen arabera.
Etxebizitza kontseilari Iñaki Arriolaren arabera “etxegabetzeak muturreko kasuetan egiten dira, hipoteka ordaindu ezin dutenean bainoago, ordaindu nahi ez dutenean”. Etxebizitza Departamentuak protokolo berri bat martxan jarriko du arazoari aurre egiteko. Gizarte zerbitzuen eta arlo judizialaren arteko koordinazioa hobetzea eta gaia jorratzen duten taldeekin lankidetza abiatzea bilatuko du.
Hipotekaren hiru kuota baino gehiago ordaintzen ez direnean hipoteka exekuzioa egiten da. Bankuak kredituaren osotasuna eskatzen du. Horrek etxegabetzea ekarri ohi du. Espainiako Estatu osoan 63.037 etxegabetze egin dira 2016ean, aurreko urtean baino %6,4 gutxiago.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
