Loreak eskainiko dizkiete Bilbon Santi Brouardi eta Josu Muguruzari eguerdian. Herri Batasuneko bi kideak hil zituztenetik 29 eta 24 urte pasa dira hurrenez hurren.
Eguerdiko 12:30etan jasoko du Muguruzak omenaldia Errekalde auzoko plazan. Brouardi berriz, Ametzolako parkean egingo diote lore eskaintza.
HBko bi kideen omenezko ekitaldia antolatu du Sortuk arratsean. “Santi eta Josu, Herriarenak zarete” lemapean 19:30etan bilduko dira EHUk Abandoibarran daukan Paraninfoan.
Edurne Brouarden adierazpenak
Edurne Brouardek, Santi Brouarden alabak, Info7 irratian hitz egin du gaur goizean. Gaurko eguna “betirako markatuta” geratu zaiola azaldu du.
29 urteotan mota askotako egoerak bizi izan dituztela azaldu du eta azken urteok izan direla onenetakoak, Euskal Herriko aro politiko berriak aukera ematen duelako “Santi Brouarden bizitzarekin bukatu zutena bezalako gertakariak errepika ez daitezen”.
Erakunde publikoek urteotan izan duten jarreraz galdetuta, Brouardek erantzun du “berradiskidetzea erraztea” izan beharko litzatekeela instituzioen lehentasuna. Haren ustez, Espainiako Gobernuak egiten duen “biktimen babesaren alardea” ez da mesedegarria izango bide horretan.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Juan Alberto Belloch Espainiako Barne eta Justizia ministroa izan zen Felipe Gonzálezen agintaldiko azken urteetan. Elkarrizketa batean adierazi du Galindo "onena" zela "terrorismoaren aurkako borrokan", eta bere ideia izan zela Guardia Zibilaren... [+]
Prentsaurrekoa egin berri du Espainiako eta Frantziako Estatuen indarkeriaren biktimak biltzen dituen Egiari Zor fundazioak. GALek hildako Santi Brouarden alaba Edurne Brouardek eta Xabier Galdeanoren alaba Begoña Galdeanok egin dituzte adierazpenak. Espainiako Gobernuak... [+]
Espainiako Gobernuak gerra zikina egin zuela aitortu du José Barrionuevok, Felipe Gonzálezen PSOEren gobernuan Barne ministro izan zenak (1982-1988), El País egunkariari emandako elkarrizketa batean. Zenbait agintarik eta elkartek larritzat jo dute... [+]