12 urteren ondoren ez dute
Egunkaria isiltzea lortu
2003ko otsailaren 20an Juan del Olmo epailearen aginduz Guardia Zibila Andoaingo Martin Ugalde kultur parkera sartu eta Euskaldunon Egunkaria itxi zuten.
Duela 12 urteko goiz hartan hasi zen operazioan atxilotu zituzten Joan Mari Torrealdai, Iñaki Uria, Txema Auzmendi, Martxelo Otamendi, Pello Zubiria, Xabier Oleaga, Xabier Alegria, Fermin Lazkano, Luis Goia eta Inma Gomila.
Egunkariaren itxierak berak eta atxilotuen tortura salaketek asaldura eragin zuten Euskal Herriko iritzi publikoan. Operazioa salatzeko Donostian egin zen manifestazioa, hiriak inoiz ezagutu duen jendetsuenetakoa izan zen.
Urte berean, beste sarekada bat ere egin zuen Guardia Zibilak Euskaldunon Egunkariarekin loturiko hainbat lagun eta Martin Ugalde Kultur Parkeko Kudeaketaz arduratzen zen 'Buruntzape' enpresako lagunak atxilotuz: Mikel Arrizabalaga, Joxe Mari Sors, Xabier Legarra, Mikel Sorozabal, Mikel Azkune, Juan Mari Larrarte, Armando Hernandez eta Angel Ramon Diez.
Prozesu judizial luzea etorri zen atxiloketen ondoren. 2010ean absolbitu zituzten auziperatutako lehenbiziko pertsonak. 2014ra arte itxaron behar izan da bigarrena, auzi ekonomikoa, itxi arte.
Informazio gehiago
Egunkariaren itxierak lurrikara ekarri du euskal kulturara (ARGIAn itxieraren ostean idatzitako kronika)
Ez lurperatu Euskaldunon Egunkaria (Pello Zubiriaren iritzi artikulua azken absoluzioaren ondoren)
Otsailaren 20an beteko dira 20 urte Euskaldunon Egunkaria Guardia Zibilak indarrez itxi zuenetik. “Euskarazko egunkaria itxi duzue baina hemen gaude”, halaxe erakutsi zuten biharamunean Egunero argitaratuta. Bertako zazpi langile elkarrizketatu ditu Muruak, eta bere... [+]
Euskaldunon Egunkariaren itxierari buruzko Paperezko hegoak dokumentala zuzendu eta aurkeztu berri du Samara Veltek (Zarautz, 1991) Josu Martinezekin batera. Azkenaldian euskal gatazkaren memoriaren transmisioari buruzko doktore tesian murgilduta badago ere, ezin izan dio... [+]
Kazetaria eta analista politikoa da Sara González (Sant Celoni, Katalunia, 1985). Disidentziaren kriminalizazioa agerian jarri du argitaratu berri duen Per raó d’Estat (Estatu arrazoiagatik) liburuan, Espainiako Estatuko estolden egitura politiko, polizial,... [+]