Donostiako metroaren lanetako hondeamakinen kristalak hautsi dituzte ezezagunek
Donostiako Antigua auzoan, Pio Baroja kalean egiten ari diren metroaren lanetako lau hondeamakinen leihoak hautsi ditzute goizaldean, ETS Eusko Trenbide Sareak salatu duenez. Azpiegitura proiektu honen lehen tunela han zulatzen hasi dira. Ekintza ez du inork hartu bere gain.
Kristal hautsiak zeudelako, ostiral goizean lanak geldirik izan dituzte, El Diario Vascok jaso duenez. Lan hauek egiteko hainbat eraikuntza enpresak sortu duten UTEak salaketa jarri du Ertzaintzan, eta eragindako kalteak kalkulatzen ari dira.
Eusko Jaurlaritzaren Ekonomiaren Garapena eta Azpiegitura departamentuaren menpeko ETS enpresak, "Donostiako eta Gipuzkoako gizartearen gehiengoak nahi duen azpigitura honen aurkako erasoaren erabateko gaitzespena" adierazi du. "Eusko Jaurlaritzan, Gipuzkoako Aldundian eta Donostiako Udaleko ordezkari politikoen gehiengoak babesten du azpiegitura hau".
Irekia gunean jarri dituzte argazkiak.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.