Donostiako metroaren 'inposaketa' Udalbatzan arbuiatzeko deialdia egin du Satorralaiak

  • Donostiako metroaren “inposaketari” arbuio soziala adierazteko hiriko Udalbatzara joateko deia egin du Satorralaiak. Osteguneko 13:00etan eztabaidatuko dute gaia, beraz 12:30ean aretoan azaltzeko deialdia egin du eragileak.

Lukas Barandiaran San Roman
2017ko maiatzaren 25a
Satorralaiak Donostiako udaletxean antolatutako beste protesta bat. (Arg.: Satorralaia)

Hainbat punturekiko desadostasuna adierazi nahi du Satorralaiak, zabaldu duten oharraren arabera. Udal Gobernuari aurpegiratu diote eztabaida publikoari eta gizartearen parte-hartzeari uko egin diotela; eztabaida biderik ireki ez, eta ehunka bizilagunek egindako eskaerari “muzin” egin diela esan dute.

Milioi askoko kostua duen proiektua justifikatzeko “gezurrak” esan dituztela adierazi dute. Eusko Jaurlaritzak erabilpen aurreikuspenak puztu eta gezurra esan duela salatu dute, halako azpiegitura handiekin egin ohi den antzera, eta Altzako geltoki “mamuaren” adibidea jarri dute. Trukean, berriz, “belaunaldi oso baterako politika sozialak eta inbertsio publikoak baldintzatu eta hipotekatzen” direla esan dute. Erantsi dute ikerketen arabera pasanteak hiriko auto erabileraren %1,5 soilik bereganatuko lukeela, eta ez dagoela ikerketarik bestelako garraio publikoetan izango duen eragina zehazteko.

Hain justu, bestelako garraio publikoa indartzea proposatu dute alternatiba bezala. Euskotren, Dbus, Renfe eta Lurraldebusen arteko loturak indartzea proposatu du Satorralaiak.

29an batzar irekia

Beste deialdi bat ere zabaldu dute; maiatzaren 29, astelehena, bizilagun eta gizarte eragile guztiei dei egin diete antolatu duten batzarrean parte hartzeko, arratsaldeko 19:00etan Amarako eskolan.

Kanal hauetan artxibatua: Azpiegitura handiak  |  Donostia

Azpiegitura handiak kanaletik interesatuko zaizu...
Tokioko aireportuari 50 urtez aurre egin dioten baserritar egoskor horiek

Japonian 2020ko Olinpiar Jokoak hasterako estreinatuko ote dute Tokioko Narita aireportuaren hirugarren pista? Agintariek proiektuari ekin eta 50 urte geroago, osatu ezinik segitzen dute beren lurrari eta lanbideari uko egin nahi ez dioten baserritarren erresistentzia dela medio. Jasandako presioengatik edo diru beharragatik amore eman badute gehienek, bakan batzuek eusten diete baratzeei bizirik. Hegazkinez inguratuta aitzurrean, erresilientzian maisu.


2018-06-13 | ARGIA
Autobus elektrikoaren aurkezpenean, metroa "aukerarik txarrena" dela salatu dute Donostian

Donostian zirkulazioan jarriko duten dBus-en 28 zenbakiko autobus elektriko berriaren aurkezpenean protesta egin du Satorralaiak. Gipuzkoako Diputatu Nagusi Markel Olano eta hiriko alkate Eneko Goia aurkezpenera batu direnean, "Donostian busean bai, metroa ez dugu nahi!" aldarrikatu dute oihuka hainbat lagunek.


2018-06-13 | Zero Zabor
Atzerapena Zubietan: FCC eta Urbaserren artean Cespak ere muturra sartu nahi du

Zubietako erraustegiaren obrek erritmo onean jarraitzen duten arren, 300 metro urrunago biometanizazio eta eskorien tratamendurako eraiki beharreko azpiegiturak hasi barik egongo dira ondoko hiru hilabeetetan gutxienez: FCC eta bere taldeari GHK-k 20 urterako egindako esleipenari helegitea jarri dio orain arte Zubietako opilaren banaketan esku hartzen ez duen taldeak, barnean Cespa eta Campezo dituenak.


2018-06-12 | Usurbilgo Noaua
Erraustegiaren kolapsoa ekar dezaketen ekimen juridikoak aurkeztu ditu GuraSOSek Europan

Zubietako erraustegia ez da atzera bueltarik gabeko proiektua. “Bere etorkizuna ez dago guztiz erabakia”, nabarmendu du GuraSOSek astelehen goiz honetan Donostiako Koldo Mitxelena Kulturunean egin duen agerraldian. Gipuzkoako Foru Aldundiak 2019ko udazkenerako martxan izatea aurreikusten duen Zubieta gaineko plantaren eta haren finantza ereduaren kolapsoa ekar dezaketen ekimen juridikoak aurkeztu zituen joan den astean GuraSOSek, Europako erakundeetan


2018-06-11 | Usurbilgo Noaua
Usurbilgo Udarregi Ikastolatik, erraustegia begi bistan

Ikastola Egun honetan, nahi izan gabe ere begirada Zubieta gainera zuzentzea ia saihestezina zen. Ondoko argazkietan ikus dezakezue, Ikastolako kideak, 50. urtemugako mosaiko erraldoia osatzera zihoazela, atzean zuten panorama. Begi bistakoak dira jada, urtebete barru amaitua eta martxan izatea aurreikusten duten erraustegiko lanak.


2018-06-08 | Zero Zabor
GHKk asteartean, 12an, bozkatuko du Gipuzkoako zaborrak Zabalgarbira eramatea

Gipuzkoako mankomunitate guztiak biltzen dituen GHK partzuergoak ekainaren 12an 11:00etan Foru Aldundiaren egoitza nagusian burutuko duen batzarrean eztabaidatu eta erabakiko du lurralde honetako hondakinak Bizkaian tratatu, erre eta lurperatzeko berrikitan bi aldundiek itxitako akordioa.


2018-06-07 | Usurbilgo Noaua
Erraustegia 2019ko uda aurretik amaitua eta udazkenean martxan izatea aurreikusten du Aldundiak

“Tratamendu mekaniko biologikoko eta biolehorketako plantetako eraikinak ia amaituta daude, eta hasiera eman zaio labeen eta gainerako ekipo industrialen instalazioari”, Gipuzkoako Foru Aldunditik berri eman dutenez. 2019ko erraustegiko lanak amaitzea aurreikusten dute eta “probaldia gainditu ondoren, 2019ko udazkenean funtzionatzen hasiko da Ingurumen Gunea” iragarri dute.


2018-06-06 | Topatu.eus
Tosuko landagunean "jarduera ekonomikoen parkea" eraiki nahi dutela salatu dute herritarrek

Tosu Betirako plataformak, Udalaren erabakia kritikatu du. Izan ere, Getxoko Andra Mari auzoko landagunean parkinga ez ezik, “jarduera ekonomikoen parkea” egingo dutela azaldu dute. Erabakiaren aurrean, ordea, herritarrei mobilizatzeko dei egin diete plataformako kideek.


2018-06-06 | ARGIA
Bilbo Hegoaldeko Tren Saihesbideak badu alternatiba: maiztasun hobea eta onura sozialak, gehiago gastatu gabe

Aukera bakarra existitzen ez dela eta bideragarriak diren alternatibak egon badaudela adierazi du taldeak. Alternatibak kontutan hartzearen eta herri galdeketa egitearen alde agertu dira.


Azkenak
EGILEA
Eguneraketa berriak daude