Donostiako Metro proiektua epaitegietara eraman dute, prozeduran irregulartasunak salatuz

  • Satorralaia bizilagunen mugimenduak salaketa jarri du EAEko Auzitegi Nagusiko administrazioarekiko auzien Salan Donostiako Metroaren Ikerketa Informatiboan dauden irregulartasunengatik.

Lukas Barandiaran San Roman
2017ko maiatzaren 04a
Metroaren aurka egindako manifestazioa Donostian.

2016ko urtarrilaren 21ean onartu zuten behin betiko “Donostialdeako Metroaren Lugaritz-Easo tartearen Ikerketa Informatiboa”, eta Satorralaiak erabaki horren kontrako baliogabetasun salaketa ezarri du.

Ikerketa Informatiboa ez da guztiz baliozkoa, mugimenduaren arabera, ez baitu Ingurumen Eraginaren Deklaraziorik. Salatu dute Deklarazio hori beste proiektu bati dagokiola eta bere balioa proiektu honetara zabaldu nahi izan dutela. 2010ean hasitako Lugaritz-Anoeta tartea eraikitzeko egin zuten Deklarazio hori duela bost urte. Aldiz, 2016ko proiektuak beste ibilbide bat proposatzen du, eta 2012ko Deklarazioan aurreikusitako bestelako ingurumen eta lege baldintzak dituela esan du Satorralaiak.

2016ko irailean, gainera, Arantxa Tapia Ekonomiaren Garapen eta Leihakortasun kontseilariak esan zuen 2012ko Deklarazioak indarra galdu zuela. Deklarazioak egin eta bi urtera galtzen zuen bere eraginkortasuna eta balioa, eta epe horretan ez ziren obrak egiten hasi.


Donostiako metroa? kanaletik interesatuko zaizu...
2018-05-11 | ARGIA
Donostiako metroaren lanetako hondeamakinen kristalak hautsi dituzte ezezagunek

Donostiako Antigua auzoan, Pio Baroja kalean egiten ari diren metroaren lanetako lau hondeamakinen leihoak hautsi ditzute goizaldean, ETS Eusko Trenbide Sareak salatu duenez. Azpiegitura proiektu honen lehen tunela han zulatzen hasi dira. Ekintza ez du inork hartu bere gain.


Txosten batek agerian utzi du Donostiako metro-pasantea ez dela bideragarria

Donostian eraiki asmo den metro pasanteari buruzko txosten teknikoa garatu du bizilagunen lantalde batek, eta bertan auzitan jartzen da Eusko Jaurlaritzak pasanteari emandako inbertsioa bideragarria ote den.


Donostiako Metroaren pasantearen aurka ekintza ugari antolatu dute

Donostiako metro-pasantearen kontrako Satorralaia mugimenduak ekimen ugari antolatu du maiatzean, ekainaren 2ko manifestaziorako deialdia indartu asmoz.


Donostian metroaren aurkako protesta egin dute lanak hasi dituzten lekuan

250 bat lagun batu dira Donostiako Antigua auzoan hasi dituzten metroaren lanetan, Satorralaiak deituta. "Hiritarrok argi dugu: Stop metroari" lemapean kontzentrazioa egin dute Zarautz etorbidean.


2018-02-22 | ARGIA
Donostiako metroaren obretan kontzentrazioa deitu dute datorren ostegunerako

Datorren ostegunean, martxoaren 1ean, Antiguan hasi dituzten Donostiako metroaren obretan kontzentrazioa deitu du 17:30ean Satorralaia bizilagunen mugimenduak Hiritarrok argi dugu: stop metroari lelopean.


2018-02-12 | ARGIA
Satorralaiako kide bati 'Mozal Legea' ezarri izana salatu dute Donostian

Donostiako auzitegian bildu dira protestarako. Epaiketa emaitzaren zain gelditu da. Ertzaintzak ehun euroko isuna jarri zion norbanako bati, 2016an ustez kontzentrazio baten kokagunea baimenik gabe aldatzeagatik. Honek helegitea jarri zuen.

 


2018-02-07 | Lander Arbelaitz
Herri mugimendu ugari elkartu zituen kontzentrazioa Mozal Legearekin zigortu izana salatuko dute

Datorren asteartean, otsailaren 13an, 9:00etan Mozal Legearen aurkako kontzentrazioa deitu dute Donostiako epaitegiaren aurrean. Metroa gelditzeko Satorralaia bizilagunen mugimenduko kide bat zigortu dutela eta honek helegitea jarri duela baliatu dute deialdia egiteko. 2016ko azaroaren 16an, Donostiako Udalak bere buruari "demokraziaren munduko hiriburu" deitu ziola baliatuz, udaletxearen aurrean herri mugimendu ugarik egin zuten protestaren harira zigortu dute.


2017-12-28 | ARGIA
Donostiako metroko obretan baso-mozketa baimendutakoaren bikoitza izan dela salatu du Satorralaiak

Donostiako Antiguako hainbat eremutan zuhaizti eremu zabalak kaltetu zituzten metroko obrek joan den abenduaren 12tik 15era egindako baso-mozketek. Eguzki talde ekologistak eta auzotarrek jo zuten alarma.


2017-12-20 | Lander Arbelaitz
Donostiako Metroa geratzeko eskatu dute beste behin Donostian

Gipuzkoa Plazatik abiatuta Donostiako udaletxera egin duten protestan berrehun lagun inguruk metro pasantearen lanak geratzeko eskatu dute. Parte-hartze prozesu bat irekitzeko eskatuz 9.000 sinadura aurkeztu zituztela gogoratu eta proiektua inposizio gisa ikusten dutela azaldu dute. Eusko Jaurlaritza eta Donostiako Udala jo dituzte errudun.


2017-12-19 | ARGIA
Donostiako Udaletxea inguratuko du giza kate batek, metroaren proiektuan herritarrei ahotsa ematea eskatzeko

“Inposaketaren aurkako eta parte hartzearen aldeko” martxara deitu du Satorralaiak, Donostian metroa egiteko egitasmoari aurre egiteko sortutako  mugimenduak. Asteazkenean hasiko da mobilizazioa, 17:30ean Gipuzkoa Plazan, eta Alderdi Ederrera iritsitakoan giza katea antolatuko da Udaletxeko eraikina inguratzeko.


Azkenak
EGILEA
Eguneraketa berriak daude