Donostiako eta Gipuzkoako irudi ederrak 1955eko dokumental batean

  • 1955. urtean San Sebastían, novia de España izen iradokitzailearekin estreinatua, garai hartan Gipuzkoan jasotako irudi ederrak biltzen ditu dokumental honek. Euskadiko Filmategian dago gordeta, baina sarean ere jarri dute guztientzat ikusgai, filmategiaren Vimeo kontuan. Besteak beste, Hondarribia, Pasaia, Orio, Getaria, Azpeitia eta Oñatiko irudiak azaltzen dira, eta herrixka arrantzaleetako ohiturak eta usadioak ere islatzen ditu.

Artikulu hau CC BY-SA 3.0 lizentziari esker ekarri dugu.

2016ko abenduaren 02an - 09:57

Turista batzuek Kantauriko kostaldera egindako bisita batetatik abiatuta, dokumental turistiko honek hainbat udalerritako panoramika ederrak azaltzen ditu, hala nola Irun, Hondarribia, Pasaia, Donostia, Orio, Getaria, Zumaia, Zubieta, Azpeitia, Oñati, Loiolako Santutegia eta Arantzazuko Amaren Santutegia. Guztiak ere, gaur baino berdeago eta lasaiago, azpiegitura erraldoien itzalik gabe. Era berean, herrixka arrantzaleen ohiturak eta usadioak ere islatzen ditu.

Salvador Ferrer izan zen zuzendaria eta Francisco Aranaz eta Carmen Carrión izan zituen gidoilari. Ahotsa Marias Pratsena da eta 19 minutuko iraupena du.

Urteek erasotua eta kalitatea galduta, Filmategiak 2006. urtean zaharberritu zuen film originala. Guk geuk Euskal Herriko ornitologoen arteko Hegan posta-zerrendan izan dugu dokumental honen berri. 

Albiste hau Sustatuk argitaratu du eta CC-by-sa lizentziari esker ekarri dugu ARGIAk.


Kanal honetatik interesatuko zaizu: Ikus-entzunezkoak
2024-03-24 | Lander Arretxea
Musika iruditan (I)
Bideoklipei begira, lentearen beste aldetik

Mundualdi honen soinu-banda osatzen duten abesti gehien-gehienek propio filmatutako irudiak izan ohi dituzte: bideoklipak. Musikariengandik oso gertu, ikus-entzunezko egileen belaunaldi gazteago batek lan horretan aurkitu du zineman edo telebistan ez duen hori: trebatzeko... [+]


Hizkuntza gutxituen artean, euskara hirugarren erabiliena da Europako streaming plataformetan

Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]


2024-02-02 | Sustatu
Wikiflex: Wikipediaren filmoteka, streaming modura

Wikiflex da Wikipediako Netflix moduko bat. Entziklopedia libre globalaren multimedia atalean, Wikimedia Commons-en, hainbat ikus-entzunezko material daude, eskubidez libre izatera pasatu diren film asko barne. Programatzaile batek, Magnus Manke alemanak, horien... [+]


2024-01-23 | Leire Artola Arin
Zine emanaldien %1 baino gutxiago izan da euskaraz 2023an

Jatorriz euskaraz diren soilik lau film estreinatu dituzte Hego Euskal Herriko zinema komertzialetan; gaztelerazkoak 564 izan dira. Pantailak Euskarazek eta Hizkuntz Eskubideen Behatokiak neurriak hartzeko eskatu diete Eusko Jaurlaritzari eta Nafarroako... [+]


Eguneraketa berriak daude