Donostiako Erraustegiko lanetan ez dela hitzarmena betetzen salatu du LABek ikuskaritzan

  • Hierros Sancho, Tecozam eta Norpaf azpikontratatutako enpresek ez dutela Gipuzkoako eraikuntza eta obra publikoetako hitzarmena betetzen dio abenduaren 4an sarrera emandako salaketa idatziak.


2017ko abenduaren 04an - 13:38

LAB sindikatuak Lan Ikuskaritzari eskatu dio bisitatu ditzala Donostiako erraustegiko lanak, eta altxa ditzala beharrezko aktak arau-hausteen aurka. Salaketa idatzian dio azpikontratatutako hiru enpresa hauetako bakarrak ere ez duela Gipuzkoako hitzarmena betetzen eta bertako langileak hitzarmenak araututakoa baino lanaldi askoz luzeagoak egiten ari direla eta aldiz, jasotzen duten ordaina hitzarmenak araututakoa baino nabarmen txikiagoa dela.

Aldi Baterako Enpresen Elkartea, azpikontrata, eta azpikontraten azpikontrata

LABek eginiko salaketa honi esker jakin dezakegu zer enpresa ari diren une honetan lurraren gainean Donostiako erraustegia eraikitzen:

Erraustegia eraikitzeko eta kudeatzeko kontratua irabazi zuen Urbaser buru duen Aldi Baterako Enpresen Elkarteak (ABEE), eta berau osatzen dute Altuna y Uria, Moyua, Murias, LKS, Meridian Investmets eta Seinmuller Babcok.

ABEE honek obraren zati bana azpikontratatu die beren enpresa kideei, bi talde hauetan banatuta:

- Murias enpresari zati bat.

- Altuna y Uria eta Moyua enpresak osatutako ABEEari beste zatia.

Aldi berean, azpikontratatutako enpresa hauek beste enpresa batzuei azpikontratatu diete beren lanaren zatia:

- Murias enpresak Norpaf enpresari azpikontratatu dio. Norpafek Tolosan du egoitza.

- Altuna y Uria eta Moyua enpresako osatutako ABEEak lana azpikontratatu die Hierros Sancho (Igorren du egoitza) eta Teco Zamora Estructuras y Drenaje enpresari (Madrilen du egoitza).


Kanal honetatik interesatuko zaizu: Gipuzkoako erraustegia
Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]


2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


2023-11-17 | Irutxuloko Hitza
GuraSOS plataformak Zubietako erraustegiaren ikuskaritza bat eskatu du batzar nagusietan

GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]


Jose Ignacio Asensio ikerketapean dago, ingurumenaren aurkako ustezko delitu batengatik

Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.


Sutea piztu da berriz Zubietako erraustegian

Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.


Eguneraketa berriak daude