Donostiako autobus gidariak euskalduntzeko asmoa, epaitegitik negoziazio mahaira

  • Autobus gidariak kontratatzerakoan euskara eskatu ahal izateko, prozesua berrabiarazi beharko dute Donostian. Epaileak atzera bota du Donostibuseko kontseiluak jarritako errekurtsoa forma aldetik ez zela egokia argudiatuz.


2015eko otsailaren 05an - 17:44
Azken eguneraketa: 2015-02-06 16:20:44
Enpresa komitearekin negoziazio prozesua hasi beharko dute euskara hizkuntz eskakizunean sartzeko. (Argazkia: Donostia Gaur).

Hala ere, honek ez dio biderik ixten euskara hizkuntz eskakizunean sartzeari eta enpresa komitearekin negoziazio prozesua hasi beharko dute orain. Sententzia bete eta prozesuari berriro ekin beharko diote hasieratik.

Iaz atera zituen Donostiako garraioa kudeatzen duen DBus enpresa publikoak autobus gidari izateko plazak. Plazetara aurkezteko hizkuntz eskakizunean EAEko bi hizkuntza ofizialak, euskara eta gaztelania, zeuden. Eskatzen zen euskara maila elkarrizketa bat modu egokian izateko adinakoa zen eta hori, elkarrizketa baten bitartez ebaluatuko zen azterketan.

UGT sindikatuak, ordea, Donostiako Gizarte Arloko 2. Epaitegian salatu zuen erabakia. Sindikatuak euskararen ezagutza eskatzea langileak “diskriminatzea” zela argudiatu zuen. Epaitegiak arrazoia eman zion UGTri, euskara jakitea zerbitzuaren erabiltzaileentzako “garrantzi gutxiko” zerbitzua zelakoan.

Horren aurrean helegitea jarri zuen Donostibusen kontseiluak. Bilduk, EAJk eta Kurpil sindikatuak helegitearen alde bozkatu zuten eta PSE-EEk, PPk eta UGTk kontra. Juan Karlos Izagirreren kalitatezko botoarekin, erabakia errekurritu zen eta azkenean, atzera bota du hau ere epaiak.


Kanal honetatik interesatuko zaizu: Euskara lan munduan
227 lanpostu kolokan Bizkaian euskara eskakizunengatik

Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.

 


Ez dute euskara jakin beharko Donostiako Udaleko bi sailetako zuzendarik

Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.


Eguneraketa berriak daude