Lurzaindiak, laborantzako lurraren zaintzeko eta baserritar gazte berriei nekazaritzarako lur eta instalazioak eskuratzen laguntzeko lanetan ari den elkarteak, batzar nagusia burutu du ekainaren 4an, Nafarroa Behereko Ainiza-Monjolosen. Laborari astekariari Dominique Amestoi lehendakariak laburbildu dizkio Lurzaindiak 2015an egin dituenak.
Lurzaindiaren beharra ez da ttipituz ari...
Euskal Herriko lurrak badu sekulan baino arrakasta gehiago, eta dirudunak hor dira prest hektara zonbaiten erosteko, ezin hurbilduzko prezioetan, laborantxaren eta Euskal Herritar ororen kaltetan. Horrek erran nahi du Lurzaindiaren larderia ez dela ezagutua, eta ere ez dugula gure proietuaren aintzina eramaiteko sustengurik aski, hala nola podere publikoetarik.
Halare egin da lan jaz...
Motibazionearen indarrez, 13 preempzione galde egin ditugu iragan urtean, prezioak apalarazi nahiz. Kasu batzutan ez dugu ardietsi, ainitz arrazoinen gatik. Ondorio onak ukan ditugu ere bestalde, prezioak azkarki berrikusiz. Iholdin ere bi afera ukan ditugu, bainan herri hortan ez dute Lurzaindiaren presentziarik nahi.
Kasu batean, etxe bat 10 hektara lurrekin preemptarazi dugu Safer-ari [Safer, Lurralde Antolamendurako eta Nekazariak Kokatzeko frantses erakundea] laborari gazte baten plantatzeko enpresa buru bat etxalde hunen erostekotan zelarik. Bainan gero Safer-ak nahiago izan du etxaldea bertze laborari haundi baten haunditzeko eman. Beste kasuan, etxetier laborarisa bat lagundu nahiz, Lurzaindiak 4 hektara lur erosi ditu. Bainan Herriko Etxeak eta auzoko laborari batek galdeginik, Safer-ak onartu du preempzionea gure kontra. Azpimarratzeko da eta damugarri Safer-a laborantxako lurraren zaintzen ari den egitura baten kontra jokatzea. Presuna famatu batek erran bezala “Holako adixkideekin, ez da etsai beharrik”. Dena den ainitz gertakarien ondotik laborarisak bere diru arazoak konpondu ditu eta lurra erosi.
Talde motibatua zireztela azpimarratu duzu...
Bai, horiek oro egin dira talde motibatu baten talendueri esker, joan den urtean azpimarratu nituen talde horren aberastasunak: motibazionea, elgarren arteko konplizitatea eta laneko nahikeria. Gu denentzat argi da lan bidea, denak lehendakari gira, denak diruzain gira, denak laborantxa lurraren zaintzale.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.