Dispertsioarekin loturiko bosgarren istripua aurten: Etxeratek elkarretaratzeak iragarri ditu

  • Euskal presoen senideen elkarteak prentsaurrekoa emango du asteazkenean Donostian. Hilabete honetan jazo den hirugarren istripua da.


2016ko ekainaren 13an - 11:42
Etxeratek zenbait elkarretaratze egingo ditu astean zehar, dispertsioa salatzeko. (Argazkia: @lasterbidean)

Salamancatik bueltan zetozela, istripua izan zuten Jon Agirrebarrena preso lizartzarraren senitartekoek igandean. Gertaera dispertsio politikaren ondorioa dela salatu du Etxeratek, eta prentsaurrekoa deitu du asteazkenerako. Donostiako Bulebarrean izango da, 19:00etan.

Etxeratek adierazi duenez, “senideek derrigorrean inposaturik euren bizitza eskubidea gauzatzeko egin behar dituzten bidaia luzeen osteko urteko bosgarren ezbeharra” da igandekoa, ekainean jazo den hirugarrena.

Preso eta iheslarien senideen elkarteak dispertsioak dakartzan ondorioez jabetzeko beharra ikusten du, eta azpimarratu du “makina bat istripu eta kalte fisiko, psikiko eta ekonomiko” ekartzen dituela.

Hala, egoera salatzeko eta “elkartasuna adierazteko” kontzentrazioak egingo dituzte astelehenez. Bilbon Arriaga parean elkartuko dira, 19:00etan. Bere aldetik, Iruñean 20:00etan izango da protesta PPren egoitza parean, eta ordu berean bilduko dira gasteiztarrak Andra Mari Zuriaren plazan.


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude