AEBetako NSA Segurtasun Agentziak Dilma Rousseff Brasilgo presidenteari eta bere gobernuko kideen beste 29 telefonotan egindako entzuketen berri eman du Wikileaksek, joan den larunbatean filtratutako dokumentuan.
Rousseff Barack Obama AEBetako presidentearekin bildu eta bost egunera publikatu da Wikileaksen informazioa. Bi herrialdeen arteko elkarrizketak 2013tik etenda zeuden, hain zuzen ere, AEBek Brasilgo Gobernuari egindako entzuketa batzuen ondorioz.
Wikileaksek ez du azaldu entzuketak noiz egin ziren. Hala ere, dokumentuaren arabera, NSAk Brasilgo presidenteaz gain, bere laguntzaileak, idazkaria eta bulego-zuzendaria ere zelatatu dituzte, baita hegazkin presidentzialaren telefonoa ere. Gainera, Brasilgo atzerriko enbaxadetan ere entzuketak izan direla aditzera eman dute, Berlinen, Parisen, Bruselan eta Genevan.
Wikileakseren iritziz, Washingtonek ez zuen soilik Rousseffen berri izan nahi: “Brasilen aurka espioitza ekonomikoan oinarritutako” kanpaina abiaraztea da asmoa. Entzuketetan kontrolatu ziren telefonoen artean Brasilgo ekonomia kudeatzen duten arduradunak daudelako iritsi da ondorio horretara filtrazioengatik ezaguna egin den erakundeko buru Julian Assange.
Joan den hilabetean Wikileaksek argitaratu zuenez, NSAk Frantziako azken hiru presidenteak ere zelatatu ditu.
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]