Diktadurak lapurtu zion biloba berreskuratu du Maiatzaren Plazako Amonen presidenteak
Estela de Carlottok bere biloba aurkitu du 36 urtez bila aritu eta gero. DNA froga baten bidez konfirmatu ahal izan dute bere identitatea. Gaztea bere kabuz aurkeztu zen froga genetikoa egitera, susmoak zeuzkalako bere benetako identitateaz.
Guido Carlotto Buenos Aires probintziako Giza Eskubideen idazkaria eta gaztearen osabak eman du aurkikuntzaren berri. “Laster berarekin elkartzen saiatuko gara. Ezin dut hitzik esan emozioagatik”.
“Nire 14 bilobak nirekin ditut. Ez nuen hil nahi nire biloba besarkatu gabe, eta azkenean egin ahal izango dut”, adierazi du Estela de Carlottok prentsaurreko batean. Oso pozik dagoela, bilobaren argazkiak ikusi dituela eta “ederra” dela esan du.
Amonen presidenteak diktaduran desagerrarazi zuten alaba bat zeukan, Laura, eta bere semea da agertu den gaztea. Argentinako azken diktaduran (1976-1983) atxilotu zuten haurdun zegoelarik, 1977ko azaroan. Semea 1978ko ekainaren 26an jaio zen, baina berehala kendu zioten amari. Laura bi hilabete geroago hil zuten.
Argentinako azken diktadura militarrean 30.000 pertsona desagertu ziren eta 500 ume inguru bahitu eta familiengandik urrundu zituzten. Maiatzaren Plazako Amonen elkartea desagertutako ume horiek bilatzeko sortu zuten. 114 biloba aurkitu dituzte gaur egun arte.
Ez du irabaziko, erotuta dago, esaten ari dena ez da posible. Edonork ikusten du ez dagoela estatu bat gobernatzeko prestatuta. Teoriko bat da, ez dauka errealitatearen kontzientziarik. Feminismoak emandako pausoak atzeraezinak dira, herritarrek ez dute onartuko zenbait eskubide... [+]
Argentinako Lanaren Apelazioen Ganberak behin-behinean atzera bota du Argentinako presidenteren lan-erreforma, CGT Lanaren Konfederazio Orokorra sindikatuaren salaketari esker.
Argentinako presidente kargua hartu du Javier Mileik igandean. Bere hitzaldian adierazi du "aldaketa erradikal" bat izango dela herrialdean.
Abenduaren 10ean hartuko du Argentinako presidente kargua Javier Milei ultraeskuindarrak, eta hautatu dituen gobernukideak zeresana ematen ari dira: Rodolfo Barra estatuko abokatuen buru izango da, iragan nazia duena; Patricia Bullrich, Segurtasun ministro; María Eleanora... [+]