Irailaren 11n Kataluniako Diadaren egunean ospatuko den “La Via Lliure a la República Catalana”ko mobilizaziorako 210.000 lagunek izena eman dute, ANCko ( Kataluniako Asanblada Nazionala) datuen arabera.
Asteartean datuak joan den urtekoaren antzekoak dira: duela 365 egun 220.000 atxikimendu zeuden.
ANCk mobilizazioan parte hartzeko spot-a kaleratu du:
Ciutadansek protesta ekidin nahi du
Carlos Carrizosa, Ciutadans alderdiko buruzagi ordeak esan duenez, “Via Lliure” mobilizazioa legearen aurkakoa dela eta hauteskunde batzordeak esku hartu beharko lukeela.
Epaitegiek protestak hauteskunde erregimenerako LOREG legea betetzen duen aztertu beharko luketela uste du Carrizosak.
Ez da Ciutadansen lehen mehatxua izan: Bartzelonako Udalean Ciutadanseko zinegotzia den Carina Mejíasek hauteskunde kanpainan esan zuenez, bere alderdiak hauteskundeak irabaziko balitu “Via Lliure” saihesten saiatuko zen.
Mejiasen esanetan, ANCren ekimenak “alderdikoiak” izateaz gain, Kataluniako gizartearen “zatiketa” eragiten dute. Urriaren 12ko ekimenak nahiz Konstituzio Espainiarraren aldekoak, aldiz, defendatu behar direla gaineratu du Ciutadanseko kideak.
“Junts pel Si”k 100.000 hautagai nahi ditu
Raül Romeva, hautagaitza bateratuaren zerrendaburuaren esanetan, 100.000 hautagai nahi dituzte zerrendan. Momentuz 43.000 pertsona dira zerrenda babesten dutenak. “Junts pel Si”k ostiralean egingo du kanpainako lehen ekitaldi handia eta hautagaitzaren berri eman zutenetik lehenbizi bilduko ditu Artur Mas, Oriol Junqueras eta Raül Romeva.
Europako hauteskunde zerrenda handiena izateko helburuarekin sortu zen "Junts pel Si". 13.500 zerrenda kide lortzeko xedea zuen, baina marka 24 ordutan bete zen. Joan den asteburuan 40.000 pertsonako muga gainditu zuen, eta datozen asteetan errekor berriak lor ditzake.
Vicenc Sanchisen Nazio 'osoa' artikulua.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]