ANC: "Kontsulta antola dezatela 2014an, ez 2016an"

  • Kontsulta 2014an antolatzeko eskatu diote ehunka milaka pertsonak Artur Masi. Katalunia zeharkatuz independentziaren aldeko Via Catalana giza katea osatu dute ANCk antolatuta. 17:14ean kanpai hotsekin batera hasi da ekimena eta ordubete inguru iraun du ekitaldi politikoak.

ARGIA @argia
2013ko irailaren 11
"Agur Espainia", dio kamisetako leloak.

"Katalunia Europako estatu berri izan arte lanean jarraituko dugula adierazi nahi dugu, eskubidez dagokigulako", adierazi du ANCko presidente Forcadellek. Kataluniak bi bide dituela adierazi die, "Espainiaren menpe jarraitu eta desagertu, edo independentzia lortu". Bartzelonako Katalunia Plazatik mintzatu zaie aurrean zituen milaka pertsonei, baita irrati eta telebista bidez ibilbide osoan kokatu diren herritarrei ere.

Artur Masi presio egiteko baliatu du ekitaldia ANCk. "Ausartak izateko unea da prozesua independentziara eramateko, ez dugu gehiago itxaron nahi, independentzia posible da, independentzia beharrezkoa da, kontsulta konbokatzea nahi dugu".

"Gure erakundeei eskatzen diegu kontsulta antola dezatela atzerapenik gabe, 2014an. Ez 2016an."

ANCk jakinarazi du Via Catalanan milioi bat pertsonatik gorak hartu dutela parte.

Twitter bidez mugimendu handia dago.

Mugikorretatik bidalitako argazkiak (Assemblea.cat):

Giza kateak Katalunia hegoaldea zeharkatuko du, eta iparraldean eta Valentzian ere kilometro batzuk egingo ditu. Antolatzaileen arabera, 500.000 herritar inguruk eman dute izena, baina gehiago izango dira ekimenarekin bat egingo dutenak.

Twitterren: #ViaCatalana

Zuzeneko jarraipena, Vilaweb.cat eta Ara.cat hedabideetan.

Zuzeneko argazkiak, ANCren webgunean.

Instagram bidez jendeak bidalitako argazkien bilduma.

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
2018-04-29 | Edu Zelaieta Anta
Lotsaz eta larderiaz

Badu euskarak begirunea eta beldurra era naturalean uztartzen dituen hitz bat: larderia. Izan ere, eremuaren edota hiztunaren arabera, beldurrarekin edo begirunearekin lotuago egon daiteke. Nolanahi ere den, badirudi larderiak, hitza ongi erabilita bederen, betiere nagusitasuna adierazten duela. Nagusitasuna, baina, modu positiboan edo negatiboan uler daiteke, beste hamaika kontu bezalaxe.

Bestalde, lotsa handirik erakutsi gabe, lotsa bera da batzuetan larderiatik hurbilxko egon daitekeen... [+]


2018-04-24 | Sustatu
Sant Esteve de les Roures (edo Doneztebe-Hariztieta), fikziozko herri independentista katalana

Guardia Zibilaren txosten batean agertu zen, martxoan, Sant Esteve de les Roures herri katalana. El Mundo egunkariak jaso zuen albistea, Guardia Zibilak 315 ekintza biolento ziurtatu zizkiola Auzitegi Gorenari, horietako batzuk, bereziki larriak, aipaturiko herrian. Baina Sant Esteve de les Roures ez da existitzen. Asmatutako herria da... edo izan da, orain Interneten bizi-bizi baitago, Twitterreko hainbat konturen bidez bizia hartu du herriak.


Agerian geratu da U-1eko erreferendumean zauritutako polizien kopurua puztu zuela Espainiako Gobernuak

Espainiako Estatuko Barne Ministro Juan Ignacio Zoidok Kataluniako erreferendumaren hurrengo egunean, urriaren 2an, esan zuen 431 polizia zauritu zirela U-1ean. Alta, PPren gobernua kontraesanean erori da: Mariano Rajoyren exekutiboak martxoaren 22an EH Bilduko senatari Jon Iñarrituri bidalitako dokumentu batean esan zuen 111 zirela erreferendumaren egunean zauritutako poliziak.


Errepresioaren aurkako fronteak kaleak hartu ditu Bartzelonan preso politikoak askatzeko eskatuz

750.000 pertsonak erantzuna eman diote UGT eta CCOO sindikatuek eta ANC eta Òmnium Cultural elkarte independentistak osatzen duten Demokrazia eta Bizikidetza plataformak kalera ateratzeko egindako deiari. Preso katalanak askatzea galdegin dute, eta Madrili irtenbide politikoari bide ematea eskatu diote.


2018-04-15 | Reyes Ilintxeta
Lluís Llach, erretiratua setio-egoeran
"Espainiako Estatuak bi beso armatu ditu: juridikoa eta komunikatiboa"

Lluís Llach eta Jaume Roures produktorea Iruñera etorri ziren martxoaren bukaeran 76ko martxoaren 3ko Gasteizko gertakari latzak erakusten dituen La revolta permanent filma aurkeztera. Sanfermines 78 Gogoan ekimenak gonbidatuta heldu ziren Inpunitatearen aurkako irudiak zinema zikloan parte hartzera. Inpunitateaz, abestien indarraz, etengabeko matxinadez eta Kataluniako egoeraz mintzatu ginen L’Estaca-ren sortzailearekin.


2018-04-15 | Itxaro Borda
Super Carles

Begia tai gabe luzatzen dugu Katalunia aldera. Zertan dugu Puigdemont? Ematen du xake partida erraldoia eramaten duela bere burua sakrifikatuz, preso edo erbestean diren beste bere hamar abentura independentista lagunen gisara. Com si fos ahir telesailaren antzeko kulebroia da Kataluniako afera. Eskerrak Polonia emankizunak dirauela eta Messik Barça salbatuko duela.

Ez dakit konturatzen garenez zein neurritarainoko krimen sinbolikoa egin zuten iragan urriaren 27an Errepublika... [+]


2018-04-15 | Adur Larrea
Ez hanka ez buru
Bost diputadutxo

2018-04-12 | ARGIA
Epaileak "terrorismo" delitua baztertu eta aske utzi du CDRetako kidea

Poliziak asteartean atxiloturiko Kataluniako CDR (Errepublikaren Defentsarako Komiteak) taldeetako kidea libre utzi du Espainiako Auzitegi Nazionaleko Diego de Egea epaileak. Desordena publikoak egozten dizkio eta astero aurkeztu beharko da epailearen aurrean.


2018-04-10
Kataluniako CDRen aurkako polizia operazioa: zortzi atxilotu

Espainiako Auzitegi Nazionalak astearte goizean CDRen aurkako operazioa abiatu du. Guardia Zibilak bi lagun atxilotu ditu Nació Digitalek informatu duenez. "Terrorismoa, sedizioa eta matxinada" egozten diete, El Confidencialen arabera. Aste Santuan errepideak eten edo ordain-sarietan barrerak altxatzearen ekintzekin lotura izan dezakete. Esquadra Mossoek beste sei atxilotu dituzte.


Azkenak
EGILEA
Eguneraketa berriak daude