Desobedientziaz libre

  • 2007n A8 autobidea mozteagatik aste honetan absolbitu dituzten bost lagunek bederatzi urtez luzatu den prozesu gorabeheratsuari buruzko hausnarketa zabaldu dute.

ARGIA @argia
2016ko urriaren 20a

Bederatzi urte eta gero, orain gutxi jakin dugu  2007ko AP8ko bide- mozketaren ekimenagatik absolbitu egin gaituztela. Lehenik eta behin, zorionak eman nahi dizkizuegu gure ondoan urte luze hauetan egon zaretenoi, borrokak merezi duela erakutsi diguzue eta garaipena guztiona da, herriarena da! Baina, ezin dugu epaiketa hau salatu gabe utzi.

2007an desobedientziaren bidez, Jarrai-Haika-Segi gazte antolakundearen ilegalizazioa eta honek ekarriko zituen kriminalizazioaren ondorioak salatzeko ekimen bat egin genuen. Ordutik, bederatzi urte pasa eta gero –eta epaiketa lau aldiz atzeratu eta gero– martxoaren 18an burutu zen.

Bide honetan zehar, desobedientzia izan dugu bidelagun, borroka molde. Epaiketara ez aurkezteko hautua egin genuen batzuk eta epaiketan bertan desobedientziaz jardutea erabaki genuen denok. Arrazoia garbia da, inolako epaitegik ez du  zilegitasunik euskal gazteria epaitzeko. Martxoaren 2an, epaiketaren laugarren datan, Naroa, Ainara eta Aritzek bertara ez aurkeztea erabaki eta honen ondorioz atxilotze ta espetxeratzeko agindua eman zuen epaileak.

Hau gutxi balitz, atxilotu eta bost egunetara, Espainiako espetxeetara sakabanatu gintuzten (epaiketarako astebeteren faltan) eta epaiketa egunean, martxoaren 18an, askatu. Hau ez da epaiketa honetan bizitako desproposito bakarra. Atxiloketa uneko argazki batengaitik Axier Lopez Argiako kazetaria, Mozal Legea aplikatuz, zigortu nahi izan dute. Informazioa eten nahi dute eta ez dute lortuko; besarkada eta muxu erraldoi bat eman nahi diogu lerro hauen bitartez, zure ondoan gaituzu.

Guk argi daukagu, desobedientzia izan da zigortu nahi izan dutena. Horregaitik mantendu ziguten zigor eskaera maximoa lehenengo egunetik azkeneraino, horregatik espetxeratu gintuzten eta dispertsat, horregaitik epaitegian gure hitzaren bitartez epaiketa salatzerakoan sala ustu zuten.... Estatu errepresorearen makinaria guztia jarri zuten martxan herriak duen boterea zigortu nahian. Baina ez dute lortu eta ez dute lortuko hemendik aurrera ere.

9 urteko bidea luzea izan da guretzat, senideentzat eta lagunentzat. Baina epaiketa honetatik gauza bat argi atera dugu; Euskal Herri libre batean sinisten dugunok eta hortarako lanean jarduten dugunok badugu molde eraginkor bat denon eskura, bakoitzak bere tamainan erabiltzeko, desobedientzia da gure tresna. Eta kolektibotasunean erabilita oso baliogarria bihutzen da, egin dezagun.

Horregatik, Euskal jendarteari, Euskal Herri libre, sozialista eta feminista eraikitzeko deia egiten diogu eta horrekin batera salbuespen legediaren eta epaiketa politikoen kontra borrokan jarraitzeko. Borroka da bide bakarra eta dena dugu irabazteko!!!

GORA EUSKAL HERRI DESOBEDIENTEA!!

GORA EUSKAL GAZTERIA

Naroa Ariznabarreta, Aritz Azkona, Saioa Zerain, Asier Alberdi eta Ainara Ladron

Kanal hauetan artxibatua: Iritzia  |  Gazte mugimendua  |  Desobedientzia zibila  |  Epaiketak

Iritzia kanaletik interesatuko zaizu...
2018-06-24 | Jon Torner Zabala
Umorea eta botere harremanak
Irriak norabide berean kolpatzen duenean beti...

Zer da umorea? Galdera inuzentea dirudiena korapilatu daiteke nahi bezainbeste. Zergatik egiten dugu barre gauza batzuen inguruan eta besteez ez? Natural ateratzen zaigu irria, ala zer eta noren gainean barre egin irakatsi egin digute?

Umoreak ia beti egiten baitu boterearen alde, goitik behera maiz. Nor den subjektua eta nor objektua. Nork nori. Horra gakoetako bat. Generoa, arraza, identitatea, naziotasuna… umoreak ditu hierarkiak markatzen. Naziotasun-identitateari heldu diogu... [+]


Ilusioak, utopiak

Utopikoa nintzelako, selektibitatearen aurka nengoen 1982. urtean azterketa hura egitea egokitu zitzaidanean. Orduan ere Unibertsitatera joateko ezinbesteko baldintza zela uste dut, baina ez dut ondo gogoratzen zertarako. Izan ere, garai hartan numerus clausus zer zen ere ez nekien –edo ez nuen jakin–, eta kazetaritza ikastera ehunka sartu ginen lehenengo mailan, bostehun edo. Horietatik hamabost “euskal taldea” deitzen genuen separata batean: ikasgai batzuetan... [+]


2018-06-24 | June Fernandez
Indarkeria birtualak

Ez naiz psikologian aditua, baina badakit bidegabekeriak eta biolentzia normalizatzea norbanakoaren babes mekanismo bat dela. Ezkertiarrak eta konprometituak izan gaitezke, hala ere, indarkeriaren bat normalizatzeko “beharra” izango dugu. Gaza, Nikaragua, ez ahaztu Siria. Altsasuko gazteak, Valtonic, La Manada, Helena Maleno, Proactiva Open Arms, Mame Mbaye, Huelvan marrubiak biltzen dituzten langileak. María del Sol Cruz Jarquín argazkilaria hil dute Mexikon... [+]


2018-06-24 | Ainhoa Azurmendi
Norberaren kirol lorpenetan familia agertzea

Orain bizpahiru urte Kilian Jorneten biografia irakurtzen ari nintzela, memento batean bere gorputza muga eta muturreraino eraman zuen proba batean, amore ematear zegoela, bere barne-pentsamenduak azaltzen zituen: “Amaitu behar dut, nire familiagatik” –helmugan zain zeuden–. Nire lehen hausnarketa: “Baina familiak zer eskatu dizu ba? Norena da behar hori? Zer da zehazki demostratu behar dena?”. Zer pentsarazi eman zidaten hitz haiek. Norbere kirol lorpenetan... [+]


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-24 | Karmelo Landa
Ekaineko hamaika egun edo politikaren zingoa

Itsaskirria nabarmendu da politikaren eremuan ekaineko lehen hamaika egunetan, ohikoa baino aldakorrago jo duten haize boladen eraginez, baina ur sakonetan murgildurik, zaila eta nekosoa da politikagintzaren ur abisaletan gertatzen ari diren mugimenduak ezagutzea eta neurtzea. Nekosoa bezain beharrezkoa.

Ekainaren hasierarekin batera gertatu zen lehen ustekabea: garaile atera zen zentsura mozioa, eta ondorioz, Mariano Rajoy eta PP Espainiako Gobernutik egotziak izan ziren, azkenean. Inork ez... [+]


Fauna publikoa
Erregimenaren tenperatura

Kaleko mobilizazioak zerbaiten termometro badira, UPNren tenperaturak baxu xamar egon behar du, berri txarrak jasotzen ari baita azkenaldian: asteburuan milaka lagun elkartu dira Iruñean Altsasuko gazteen aurkako sententzia arbuiatzeko eta muntaia polizial-mediatiko-judiziala salatzeko. Beste sententzia batek, 2016ko Sanferminetako talde bortxaketaren kasukoak, milaka lagun atera zituen Iruñeko kaleetara aurtengo apirilean eta haserrea metropoli foraletik askoz harago sumatu zen.


2018-06-18 | Jean Louis Davant
Demagogiari ezetz

Behin, badu jada builta bat, ahatzerik düt noiz ote xüxen, urteak hain zalhe beitoatza, Donapaleuko klinikan nor gure aldiaren haidürü ginaudelarik barber baten bortan, ene adintsüko jente batekin elerran nüan. Gaztaroan denbora batez Amerikako Estatü Batüetan egonik zen. Laster, ez dakit zer gisaz, etorkinen aipatzera jin ginen, eta haiez gaizki erraiten hasi zeitan.


Altzako egoera urbanistikoa, eraikuntza berri bat

Azken hilabete honetan jakin dugu Donostiako Udalak Uliako Viveros-eko eremuan etxebizitzak eraikitzeari uko egin diola eta bizilagunen elkarteak hiri-parkea bezala sailkatua izan dadin eskatzen duela. Uliako herritarrak zoriondu besterik ezin dugu egin aipatu eremua babestea lortu dutelako. Eta guk inork baino hobeto dakigu zein zaila den hori, azken batean Altzan 18 urte daramatzagulako Auditz-Akular eremuan parkea egin dadin eskatzen eta oraindik ez dugu lortu.


Azkenak
EGILEA
Eguneraketa berriak daude