Desobedientzia zibila defendatu du EH Bilduk, Getxoko parkingaren aurkako dinamika babestuz

  • Getxoko EH Bilduk Tosu landan "erresistentzian" dihardutenen norbanakoei bere elkartasuna eta atxikimendua helarazi die.

Artikulu hau CC BY-SA 3.0 lizentziari esker ekarri dugu.

2017ko urtarrilaren 26an - 11:33

Era berean, bat egin dute Tosu Betirako taldearen aldarriagaz, "sorreratik gaur egunera arte egin izan dugun legez". Horrez gainera, balizko utzaraztearen aurrean desobedientzia eta erresistentzia zibilaren aldeko aldarria egin du koalizio abertzaleak.

Tosuko landan erresistentzian diharduten norbanakoen balizko utzaraztea eragingo luketen indar polizialen jarrera, oldarkorra izan litekeela uste du EH Bilduk. "Ez litzateke lehen aldia herritarrek desobedientzia zibila praktikara eraman eta indar polizialak hari bortizkeriaz oldartuko litzaiekeena", azaldu dute.

Hori dela eta, desobedientzia eta erresistentzia zibilaren aldeko aldarria egiteaz batera, Tosuko erresistentzia kanpaldian dihardutenak "errespetuz eta begirunez" arta ditzatela eskatu dute, "inolako bortizkeriarik gabe". Horrez gainera, gertaeren berri eman guran bertaratuko liratekeen kazetariei euren lana "askatasun osoz eta inolako oztoporik gabe egiten uztea" aldarrikatu dute.

Albiste hau Hirukak argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Tosuko borroka
Getxoko Ibarbengoako aparkalekuaren "porrota" azpimarratu du GuNe kolektiboak

Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]


Getxoko Ibarbengoako aparkalekua bezalako "makroproiektuei" aurre egiteko borrokan segituko dutela iragarri dute

Hiru urteko obren ondoren, ekainaren 15ean inauguratu zen Getxoko Ibarbengoako aparkalekura bizikleta-martxa egin zuten 60 pertsona inguruk, GuNe kolektiboak deituta. Protestaldi horretan, kotxeari begirako planak ez diren alternatibak egon badaudela aldarrikatu gura izan zuten,... [+]


"Tosuren Itxialdi Jaia" egingo dute zapatuan Txorimalo gaztetxean

Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.


2019-08-13 | Topatu.eus
Tosuko borroka gogoratu dute Algortan

Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.


2018-09-04 | Hiruka .eus
"Tosutik Uribe kostara" jardunaldiek eskualdera zabalduko dute hirigintzaren eztabaida

Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]


Eguneraketa berriak daude