Deskonexio Legea urriaren 1aren aurretik onartuko du Kataluniako Legebiltzarrak

  • Horrela, urriaren 1eko erreferendumean baietzak irabaziz gero, ez litzateke legezko hutsunerik eta Kataluniako Errepublikaren bideak legezko berme osoak izango lituzke, Junts Pel Sík eta CUPek adostu bezala.

Xabier Letona @xletona
2017ko abuztuaren 28a
\'Ocho apellidos catalanes\' filmean erabilitako argazkietako da hau.

Larunbatean oso argi irudikatu zen Bartzelonako manifestazioaren barruan sentsibilitate ugari zirela. Atentatuen egunetik ere alor ugaritan ikusi dira Katalunia eta Espainiaren desberdintasunak. Eta etengabe egon da airean ea honek nola eragingo zion erreferendumari. Igandean Galizian egindako adierazpenetan, Mariano Rajoyk erreferenduma egiteko asmoetan atzera egin dezala eskatu zion Carles Puigdemonti.

Puigdemontek, aldiz, atentatuak ezin duela Kataluniako agenda politikoa baldintzatu erantzun du eta erreferenduma urriaren 1ean egingo dela. Iragarri zuen, halaber, 6.000 hautetsontzi ere prest dituztela dagoeneko. Hainbat elkarrizketatan adierazi duenez, halaber, baiezkoak irabaziz gero trantsizio motza negoziatzea proposatuko dio Espainiako Gobernuari.

Erreferendumaz aparteko tresna juridikorik garrantzitsuena astelehenean aurkeztuko gaur Legebiltzarrean: Iragankortasun Legea edo Deskonexio Lege gisa ezagutzen dena. Berez uztailaren amaieran aurkeztu behar zen, baina  CUP eta Junts Pel Síren arteko desadostasunek aurkezpena atzerarazi dute.

Kataluniako Auzitegi Gorena

Funtsean, lege honek bermatuko luke hutsune juridikorik ez egotea egungo egoeratik Kataluniako Errepublikarako urratsa ematean, eta hau gertatuko litzateke baiezkoak erreferenduma irabaziko balu. Behin emaitza buletin ofizialean iragarri eta bi egunera sartuko litzateke indarrean legea, eta berez, Kataluniako Errepublikaren abiatzea ekarriko luke.

Deskonexio Lege hau oinarrizko legetzat ere hartu izan da, besteak beste errepublika berriaren oinarrizko egitura juridikoa ere biltzen duelako, esaterako Kataluniako Auzitegi Gorena. Funtsean Katalunia, Estatua, EB eta nazioarteko legediaren arteko zuzenbide arauak kontrolatu eta bideratuko ditu.

Berez, ERCk eta CUPek legea erreferendumaren aurretik onartzea nahi zuten eta PDCATek ondoren. Azkenean aurretik onartuko da, jarrera honen aldeko bi alderdien esanetan horrela herritarrak oso ongi jakingo baitu zer gertatuko den erreferendumaren ondoren baiezkoak irabazten badu. Hori bai, argi zehaztu dute legea bakarrik sartuko litzatekeela indarrean erreferendumean baiezkoak irabaziz gero.

Kanal honetan artxibatua: Kataluniako erreferenduma

Kataluniako erreferenduma kanaletik interesatuko zaizu...
2018-02-14 | ARGIA
Mireia Boya CUPeko kidea aske geratu da, kautelazko neurririk gabe

Asteazken goizean deklaratu du Espainiako Auzitegi Gorenean Mireia Boya CUPeko kide eta diputatu ohiak. Matxinada eta sedizio delituak leporatzen zizkioten, baina deklaratu ostean aske geratu da kautelazko neurririk gabe.


2018-01-19 | TV3 Telebista
U-1
MULTIMEDIA - dokumentala

2017ko urriaren batean, Kataluniako Gobernuak independentziari buruzko erreferenduma antolatu zuen. Espainiako Gobernuak debekatu zuen. Bozkaleku batzuetan gertatutakoaren kronika da honakoa. TV3ko Sense Ficció saioan eskaini zuten.

Gidoilaria eta zuzendaria: Lluis Arcarazo
Ekoizlea: Jaume Roures
Muntaia: Ona Bartroli
Musika: Xabier Capellas eta Aldred Tapscott

Itzulpena: EHtikMundura


2018-01-18 | Andoni Mikelarena
87 milioi euroko kostua izan du urriaren 1eko polizia operazioak, Zoidoren arabera

Espainiako Senatuan azalpenak eman ditu ostegun goizean Espainiako Barne Ministroak. Urriaren 1ean indar polizialek izandako jarrera defendatu du, “legitimoa, profesionala eta neurrikoa” izan zela argudiatuta.


2018-01-17 | Andoni Mikelarena
257 pertsonak lesioak salatu dituzte urriaren 1eko karga polizialengatik

Auzitegiek salaketa horietatik 110 artxibatu dituzte, lesio horien egilea ez identifikatzeagatik.


2018-01-05 | La Directa
Urriko lehen eguna
MULTIMEDIA - dokumentala

Kataluniako autodeterminazio erreferendumari buruzko dokumentala argitaratu dute La Directa eta dozenaka herri hedabidek elkarlanean egun hura jorratzeko propio sortutako Agència UOk. Urriaren 1ean hainbat hauteslekutan jasotako testigantzen bidez, Kataluniako historiara igaroko den egunean gertatu zena jorratzen dute.

Oharra: Euskarazko azpidatziak dauzka, eta youtubeko playerrean aktibatu behar dira.


2018-01-03 | Andoni Mikelarena
Kataluniako erreferendumaren aurka poliziak izandako jokabideaz azalpenak emango ditu Zoidok

Urtarrilaren 18an egingo du agerraldia Espainiako Barne ministroak Senatuan. PSOEk eta EH Bilduk egindako eskaerei erantzunez, bere borondatez egingo du agerraldia.  


2017-12-27 | Andoni Mikelarena
CUPeko bi zinegotzi atxilotu dituzte urriaren 1aren harira

Marta Llorens eta Oriol Ciurana, Reuseko zinegotziak biak, atxilotu dituzte Esquadra Mossoek epailearen aginduz. Zinegotziek ez dute onartzen Espainiako justizia eta horregatik ez ziren deklaratzera joan.


2017-12-14 | Xabier Letona
Guardia Zibilak Uniposteko zuzendari nagusia atxilotu du, urriaren 1eko erreferendumaren ikerketaren baitan

Guardia Zibilak Pablo Raventós Unipost mezularien enpresako zuzendari nagusia atxilotu du, ostegun goiz honetan enpresa honek Hospitalet de Llobregaten duen egoitzan egiten ari den miaketan.


2017-12-07 | ARGIA
45.000 kataluniarrek laguntza eskatu diote EBri Bruselatik bertatik

Urriaren 27an independentzia aldarrikatu zuen Kataluniako Parlamentuak. Egun berean, Espainiako Konstituzioaren 155. artikulua aplikatu zieten, autonomia Madrildik gidatzeko asmoz. Abenduaren 21ean hauteskunde autonomikoak egingo dira.


Roger Espa˝ol
"Gomazko balak mundu guztiari debekatzea nahi dut, ez soilik Mossoei eta Katalunian"

Urriaren 1eko Kataluniako autodeterminazio erreferendumean begi bateko ikusmena galdu zuenetik lehen aldiz mintzatu da publikoki Roger Español. Espainiako Polizia Nazionalak tiro egindako gomazko bala batek jota bizitza aldatu diote.


Azkenak
EGILEA
Eguneraketa berriak daude