Denak Floridara begira geundela, 'Irma'-k Kuba erruki barik jipoitu du

  • Karibeak ehun urteko urakan handiena nozitzen zuela, hedabide nagusiek inperio iparramerikarren agenda jarraituz Floridako albiste eta irudiz ito gaitu  europarrok, ekaitzaren kalterik handienak Kuban gertatzen ari ziren bitartean.

Pello Zubiria Kamino @pellozubiria
2017ko irailaren 11
Herritarrak Santa Claran 'Irma'k makurtutako mango-arbola zutitzeko ahaleginean. (Argazkia: Rafael Cardet/Cubadebate)

Astelehen goizean irakur daiteke batean eta bestean 'Irma'k espero baino gogorrako eraso duela Kuban, 'Irma'k Kuba sutsitu duela eta gisako kronika. Ekaitza gogorrenean zenean, larunbat goizean esterako, ez zen horrelakorik entzuten inongo telebistatan, albistea zen Florida ekaitza noiz iritsiko prestatzen ari zela... ahazturik 'Irma' bete-betean ari zela jotzen Kuba.

Zenbait hedabidetan bazirudien ekaitzak Antilla Txikietan hasi ostean Haiti-Dominikar Errepublikatik jauzi egin behar zuela... Miamira. Gainerakoan hondamendiaren jarraipen bizia egin duen The Guardian batean bertan Kubari Habanako berririk ez ikustea etsigarria zen. Googlen galdetzeak ez zuen asko konpontzen Kubaren gainean ezarritako isilaldia, egia izan behar du zenbait hedabideren erreferentziak zentsuratuta daudela de facto.

Beraz, informazio gose zenak bilatu egin behar izan du, ezagutzen dituen erreferentzietatik edo sare sozialetako aipamenetatik abiatuta: Cubadebate, Granma... Astelehen goiza da eta mundua jakiten hasi da Kuban ekaitzak kutzi duen txikizioa sekulakoa dela. Raul Castro lehendakariak plazaratu duen agiriak (Llamamiento a nuestro combativo pueblo) kataklismo baten ondorengo mintzaldi baten tonua darama. Denbora, diru eta indar asko beharko dituzte bakar-bakarrik gauzak lehengo neurriraino eramateko. Baina, denon zorionerako, Kuba ez da Florida.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hondamendiak  |  Iritzia  |  Kuba

Hondamendiak kanaletik interesatuko zaizu...
2018-07-06 | ARGIA
Tornado batek milaka pago bota du Entzia mendilerroan

Asteazken arratsaldean Entzia mendizerra ingurutik igarotako haize zurrunbilo indartsu batek hondamendia ekarri du naturgune horretara. Hamaika kilometro inguruko perimetroan milaka pago bota ditu lurrera eta beste asko kalteturik utzi ditu.


Kubaren etsai berri eta inoizko gaiztoena: klimaren aldaketa

Beraiek erantzukizun txikia eduki arren Lurrak jasaten duen klimaren erotzearen sorreran, Kubako jendeak izango dira beroketa globalak ekarriko dituen hondamendiek gehien kaltetuetakoak. Urakanak, uholdeak, lehorteak, itsas mailaren igotzea, uharteak bere azaleraren parte bat galtzea... Agintariek Tarea Vida izeneko plan estrategikoa abiarazi dute, Sobiet Batasuna hondoratu osteko Periodo Especial-eko larrialdia baino kudeatzen zailagoa izan litekeenari aurre egiteko.


Fukushimako lurrikara, tsunamia eta istripu atomikoa gogoratu dituzte zazpigarren urtez

Londrestik Tokyora, Paris eta Madrilen barrena, ugariak izan dira 2011ko martxoaren 11 ilun hartan Japonia azpikoz gain jarri zuten hondamendien oroitzapenezko ekintzak. Urtetik urtera oihartzun gutxiago dutenak, hori ere egia. Hondamendiaren orbanak erraz ahazten baitituzte mundutarrek... beren larruan betikoz sufritzera kondenatutakoek ez bada.


'Maria' urakanak baino lehen zorrak suntsitu du Puerto Rico kolonizatua

Irailaren 20an Maria 5. kategoriako urakanak astindu zituen Antillak, kategoria bereko Irma-k jipoitu eta hamabost egunera. Txikiziorik handienak jasandakoen artean dago Puerto Rico, teorian AEBen probintzia baina benetan konpainia yanki handien kolonia dena.  Zor publiko erraldoi baten atzaparretan harrapatuta, zikloiak eragindako kalteei aurre egiteko ahalmenik gabe bizirautera kondenatuta daude puertorricarrak. 


2017-10-13 | ARGIA
Historiako suterik hilgarriena kiskaltzen ari da Kaliforniako mahastien eskualdea

Ostiral eguerdira arte 31 ziren hildakoak Kaliforniako iparraldea kiskaltzen ari diren suteen eraginez, baina ziento bat baino gehiago desagertuta dagoela diote hedabideek. Suteok kalte handiak eragin dituzte munduko ardo famatuenetakoak ekoizten dituzten mahastietan.


5. graduko beste zikloi bat dabil Karibea astintzen: 'Maria'

Irma urakanak utzitako zauriak sendatu ezinik dabiltzanean, Maria 5. graduko beste zikloi bat iritsi zaie Karibeko uharteei. Dominika bete-betean harrapatu ondoren, Guadalupe bazterretik Puerto Rico aldera doa, aurreikuspenen ustez Kuba bakean utzita.


'Irma' Kubatik urrutiraturik, Habanak gaur irekiko du bere aireportua

Sekula ikusi duen urakan suntsitzaileenaren kalteak kontatu eta oinarrizko zerbitzuak abiarazteko ahaleginean ari da Kuba osoa. Gaur, asteartea, hango 12:00etan (18:00 Euskal Herrian) zabalduko du berriro José Martí aireportua.


2017-09-08 | Naomi Klein
'Harvey' ez zen ezerezetik sortu. Klima aldaketaz hitz egiteko garaia da

Irma urakana Karibea gogor kolpatzen ari den honetan, abuztu amaieran Naomi Klein kazetariak The Intercept webgunean argitaratutako artikulu hau (hemen jatorrizkoa ingelesez) dakarkizuegu euskaratuta. Harvey urakanak hondamendi handia eragin zuen AEBetan, batez ere Houston hirian, eta horren harira idatzi zen artikulu hau Kleinek. Kazetari quebectarrak salatzen du holakoen berri ematean hedabideek testuinguru orokorra –klima aldaketa, alegia– ezkutatzen dutela, eta botereak, berriz,... [+]


Kuba eta Floridan larunbaterako espero dituzte 'Irma'ren astindu gogorrenak

Karibeak inoiz ezagutu duen urakanik bortitzena, Haiti eta Dominikar Errepublika kolpatu ondoren, ostiralean ari da pasatzen Bahama uhartee gainetik eta Kubako ipar-ekialdera hurbiltzen, azkenean AEBetako Floridan lehorreratzeko.


Antillak zeharkatzen ari da 'Irma', Karibeak ezagutu duen urakanik bortitzena

Historian Karibeko uharteek ezagututako urakan gogorrena, 5. graduko Irma, kalte handiak ari da eragiten harrapatu dituen lurretan. Astelehenean Barbuda gainean zegoena, Puerto Ricon kalte handiak eragin ostean une honetan Haiti eta Dominikar Errepublikarantz doa.


Azkenak
EGILEA
Eguneraketa berriak daude