Deliverooko langileek bi greba egun egin dituzte asteburuan

  • Deliverook langabezia eta prekarietate egoera masiboa aprobetxatzen du “kolaboratzaileak” lortzeko, bertako langileen arabera. Kontratu irregularrak, autonomo faltsuak, soldata baxuak… lehen aldiz antolatu eta greba egin dute bizikleta gidariek Bartzelonan, Madrilen eta Valentzian.


2017ko uztailaren 10an - 12:41

Ekonomia Kolaboratiboak hartu duen tamainaren ifrentzua dira honelako kasuak. Sosa batzuen truke egiten diren lan eta fabore txikien ordez, izugarrizko irabaziak sortzen dituen aktibitate ekonomikoak dituzten enpresak izatera heldu dira. AirBnB bada ere azken aldian sona gehien izaten ari den gisa honetako enpresa, Bla Bla Car edo Deliveroo ere ez dira gutxiagorako.

Deliverooren kasuan, langileei “riderrak” deitzen diete enpresan, hau da, gidariak, eta “kolaboratzaile kategoria” honek enpresarekin duten lan harremana ezkutatzen duela salatu dute. Hain zuzen, astean gutxienez hogei ordu barnebiltzen zituen kontratua bertan behera uztera doala esan duenean enpresak, langileak haserretu eta beraien artean antolatu dira, lehen aldiz.

Lehen aldia da ere, “ekonomia berria” delako honetan, egiten dela greba, eta ikusmina sortu du egoera prekarioa bizi duten sektoreen artean. Sare sozialetan erakutsi dute elkartasuna Las Kellys Hoteletako langileak, FrentePop musikari eta artisten sindikatuak, zamaketarien sindikatuak edo Bartzelonako metroan greban dauden langileek.

Hain zuzen aldarrikapenen artean, Ridersxderechos kolektiboa, langileen ordezkari gisa onar dezaten eskatu dute, sindikatuak iristen ez diren sektoreentzat eredu bihurtuz. Gutxienez 20 ordu astean, 8 euro orduan eta kanporatu dituzten langileak berrartzea dira grebaren eskariak.

“Ez badugu kobratuko, ez gara ibiliko” oihukatuz egin zuten manifestazioa bizikleta gainean.


Kanal honetatik interesatuko zaizu: Langile borroka
EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Indarberriturik atera dira sektore publikoko langileak, hirugarren greba egunean

Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]


Eguneraketa berriak daude