Komisio ilegalak kobratzea leporatuta Arabako EAJko goi-kargu ugari zipriztintzen dituen "De Miguel" auzian Miren Azkaratek deklaratu dezala eskatu zuen akusatuetako baten abokatuak, garai hartan Eusko Jaurlaritzako Kultura sailburu zela eta epaitzen ari diren kontratuak sail horri lotuta daudela argudiatuta. Arabako Auzitegiko tribunalak, ordea, ez du beharrezkotzat jo Azkaratek deklaratzea.
Argitaratutako autoak dio duela gutxi arte Donostiako Udalean zinegotzi izan den Azkarate entzun beharrik ez dagoela auzian, Kultura saileko garai hartako beste hainbat lekuko badirelako "lan ez hain instituzionala zutenak eta kontratu horien arazoari lotuago aritzen zirenak".
Fiskaltzaren arabera, Alfredo de Miguel Arabako EAJko bigarrenak kontratuak ilegalki lortzen zituen, hain juxtu Kultura sailetik. Hori dela-eta, diru-laguntzen politikaz eta sailaren funtzionamenduaz Azkaratek azalpenak eman zitzala nahi zuen Gurutz Larrañaga Kultura saileko bigarrena izandakoaren abokatuak.
Epaiketak otsailaren 19an ekingo dio berriz ere, eta lekukoak deklaratzen hasiko dira.
Segi De Miguel auzia helbide honetan.
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.
Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.