De Miguel auziaren ahozko epaiketa hasteko agindu du epaileak
Maria Eneida Arbaizar, Gasteizko 4. Instrukzio Auzitegiko epaileak, “De Miguel” auzian ahozko epaiketa has dadila agindu du. Halaber, 26 auzipetuetako batzuei kautelazko isunak ordaintzeko agintzen die. Kargu gehien leporatu zaion Alfredo de Miguelentzat, isun hori 16,5 milioi eurokoa izango da, fiskaltzak martxoan eskatu zuen 25 milioikoa baino dezente txikiagoa. Iosu Izagirre fiskalak ia 55 urteko espetxe-zigorra ere eskatu zuen De Miguelentzat.
Guztira 26 lagun daude auzipetuta, horietako asko Arabako EAJko egituretan aritutakoak. Ustelkeriarekin lotura duten 25 delitutik gora egozten zaizkie: legez kanpoko komisioak kobratzea, kapitalak zuritzea, inoiz eskaini ez ziren zerbitzuen truke kobratzea… Alfredo de Miguel, gainera, delituok egiteko xedez osatu zen sozietate-sareko burua izateaz akusatuta dago.
Fiskalaren arabera, Alfredo de Miguelek aldi oro zeuzkan ardura politikoak baliatu zituen –EAJren Arabako Buru Batzarrean zegoen–, beste auzipetu batzuen laguntzarekin, bere inguruan sozietate-sare hori osatzeko. Instrukzio-faseak halako 25 sozietate baino gehiago utzi zituen agerian.
De Migueli ez ezik, Arbaizar epaileak fidantza handiak ezarri dizkie beste auzipetu batzuei. Halaber, gogoan izan behar da fiskaltzak 32na urteko espetxe-zigorra eskatu duela Aitor Telleria eta Koldo Otxandiano Arabako EAJko kide ohientzat.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.
Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.