Zer gai izango dute hizpide agintari politikoek eta enpresariek?
Robotak, terrorismoa, migrazioak edota desoreka sozialak izango dituzte hizpide Davoseko (Suitza) eski estazioan bildu diren agintari politikoek, enpresariek eta Leonardo DiCaprio bezalako hainbat pertsona famatuk. Urtarrilaren 23ra bitartean egingo den Munduko Ekonomia Foroak zortzi gai izango ditu ardatz, Graeme Wearden The Guardianeko kazetariak azaldu duenez.
Roboten hazkundea: Automatizazioaren eta makina geroz eta adimentsuagoen hazkundeak –4. industria iraultzaz mintzo dira adituak– negozio-lerro berriak irekiko dituela dio hainbatek. Beste batzuentzat, ordea, kezka-iturri da, lanpostu ugarirentzat mehatxua delakoan, emakumeen kalterako bereziki, bakoitzaren lan mota –orokorrean– aintzat hartuta.
Terrorismoa eta migrazioaren krisia: Errefuxiatuen krisi globalaren aurrean nola jokatu beharko litzatekeen azalduko dute, besteak beste, Jordania, Irak, Tunisia, Frantzia eta Alemaniako ordezkari politikoek.
Turbulentziak merkatuetan: Txinako agintari eta enpresariak herrialde horretako egoeraz eta aurrera begirako erronkez arituko dira, Arabiar Emirerri Batuetakoak eta Kuwaitekoak petrolioaz, Argentinako presidente Mauricio Macri krisiak garapen bidean diren herrialdeetan izan dezakeen eraginaz...
Klima aldaketa: Azken urteotan ez bezalako protagonismoa hartu dute ingurumen gaiek, Foroko gai-ordenari begiratuta bederen. Hainbat zientzialari –Solar Impulse proiektuaren arduradunak tartean– eta Leonardo DiCaprio aktorea energia berdeez edota klima aldaketaz arituko dira.
Europa: Europaz –ekonomiaz bereziki, Greziaz zehazki– hitz egingo dute Foroan parte hartuko dutenek. Litekeena da Alexis Tsipras lehen ministro greziarra Wolfgang Schäuble Alemaniako Finantza ministroarekin biltzea.
Desberdintasunak: Aberats eta pobreen arteko alde geroz eta handiagoari buruz ere eztabaidatuko dute Davosen, baita haurren eskubideez ere.
Medikuntza: Minbiziaz eta ebolaz arituko dira, beste gai batzuren artean.
Ziber-krimenak eta segurtasun globala: Ziber-krimenak ardatz, oro har segurtasunaz hitz egingo dute AEBetako fiskal nagusiak, Interpoleko buruak edota Amnistia Internazionaleko ordezkariek.
Davoseko Foroan izango diren politikari eta enpresarien artean daude, besteak beste: BBVA eta Iberdrolako presidenteak, Telefonica eta Repsoleko kontseilari delegatuak (tartean da Josu Jon Imaz), Erresuma Batuko eta Frantziako lehen ministroak, eta Europako Banku Zentraleko, Munduko Bankuko eta Nazioarteko Diru Funtseko (NDF) buruak.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Euskal autogintzaren industrian gertatzen ari den adibide esanguratsu batekin natorkizue. Duela urte erditik (2023-09-01), Mecaner Urdulizko (Uribe Kosta) autogintzako trokelgintza enpresako 148 langile euren lanpostuak galtzeko zorian daude. Enpresa bideragarria da eta... [+]
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.