pribatizazioa

Datu zibilak multinazionalen esku uzteko saiakeran ari da Espainiako Gobernua

  • Espainiako Gobernuak Erregistro Zibila pribatizatu nahi duela salatzeko, administrazioko langileek harresia osatuz Barakaldoko Justizia Jauregia inguratuko dute (ostegunean goizeko 11:00etan).

Estitxu Eizagirre @eeizagirre
2015eko apirilaren 30a

Blog honetan (registrocivildetodos.blogspot.com.es) ari dira gaiari jarraipena osoa egiten.

Info7 irratiak eginiko elkarrizketan Mariano Gómezek azaldu ditu Erregistro Zibila pribatizatzeak izango lituzkeen ondorioak:

"Uztailaren 15erako pribatizatu nahi zuten, baina mobilizazioen eraginez euren burua behartuta ikusi dute ordura arteko isiltasuna hausteko, azalpenak emateko. Horregatik diogu sentsibilizazio kanpainari eutsi behar diogula, gaia oso larria baita:

Agian zerbitzu ezezaguna zaigu Erregistro Zibila, baina guztiok pasa behar izaten dugu bizitzan zehar bertatik. Jaiotzen garenetik hiltzen garenera, gure bizitzako datuak gordetzen diren lekua da, bidean gertatzen diren aldagai guztiak jasotzen ditu: ezkonduta gauden, seme-alabarik dugun, aitatasun aitortzak, heriotzak... oso datu sentsibleak eta beraz estatuak gorde beharrekoak. Norberaren datuak baitira esku pribatuetara pasa nahi dituztenak.

Honen ondorio larrienetakoa hauxe litzateke: Frantziako iraultzaren osteko estatu modernoen ezaugarri nagusietakoa izan zen herritarren datuak kudeatu eta zaindu behar zituena organo "independentea" behar zuela izan, estatuaren menpe zegoen organo bat, esku pribatuetan egongo ez zena. Ordura arte garai hartako boterearen esku, Elizaren esku baitzeuden datuok. Eta orain justu nahi dutena beste botere baten esku uztea da, botere ekonomikoaren esku. Eta honek arrisku larria du, multinazionalek egiten dituzten datuen erosketak ezagututa.

Horrez gain, bizitzan zehar badira hainbat momentu, ezkontza zibilak, bizi agiriak (gizarte segurantzak tarteka eskatzen duena pentsioa kobratzen jarraitzeko), jaiotza agiriak (eskolan izena emateko eta abar eskatzen zaiguna)... erregistro zibilean doan egiten dira egun, eta negozio pribatu bihurtuko lirateke.

Sorrarazten duen beldur handiena hauxe da: behin datuak interes ekonomikoak dituzten esku pribatutara pasa ondoren, nork bermatuko du hitz ederretatik harago gure datuak ez zaizkiola enpresa bati salduko? Pentsa datu horiek zer balio duten egun multinazionalek negozio egin dezaten!

Gainera zer arraroa, Gobernuko presidentea eta ministro batzuek erregistradoreak dira! eta diru publikotik 128 milioi eurotik gora inbertitu dira Espainiako Estatuko erregistro zibil osoa digitalizatzen, zerbitzu hobea emateko. Eta gastua eginda dagoenean esku pribatuei oparitu nahi diete!

Eusko Legebiltzarrera eraman dugu eztabaida, eta proposatu dugu konpetentzia hori bertan kudeatzeko boterea eskatu dezala. Egungo datuez gain, balio historiko handikoa da erregistro zibila, bertan biltzen baitira hainbat eta hainbat belaunalditako datu soziologikoak. Abstraktuan hitz egiten dugu euskal artxibo historikoaren beharraz, eta erregistro zibila oinarrizkoa litzateke horretarako. Eusko Legebiltzarrak duela urtebete adostutakoari jarraituz, exijitu dezatela pribatizazioa gelditzea eta konpetentziaren transferentzia abiatzea.

Erregistro zibilak zerbitzu publikoa, doakoa eta unibertsala izaten jarraitu dezan zaindu behar dugu herritarrok. Desastrea litzateke pribatizatzea".

Kanal hauetan artxibatua: Zerbitzu publikoak  |  Barakaldo

Zerbitzu publikoak kanaletik interesatuko zaizu...
Zaharrentzat funtsezkoena, harremanak

Ikerketa egin dute, zaharrei galdetuz euren ongizatearentzat zer duten premiazko: “Familiatik harago, ingurukoekin eta egunerokoan gurutzatzen duten jendearekin harreman pertsonalak izatea, sentiaraziko dituena seguru eta baloratuta, munduan leku bat dutela".


Garaipenaren bizipoza

Batean, azpikontratatutako zahar etxeetako langileak, mozkinen arabera (des)araututako sektore feminizatuan. Bestean, patronala, prekarietatearen aparretan eroso, eta Bizkaiko Foru Aldundia, ez-ikusiarena egiten. Horrela bi urtez, borrokan, lan baldintzak duintzeko. Eta urtebetez greban. Erraz esaten da. Beste hainbat kasutan bezala, botere politiko eta ekonomiaren arteko ohiko elkarlana langileen aldarrikapena itotzen saiatu da. Oraingoan, ordea, bizitza zaintzen dutenek irabazi dute. Beraz,... [+]


2017-10-18 | Miren Osa Galdona
Bizkaiko herrietan barrena protesta-martxa abiatu dute Bizkaiko Zahar Etxeetako langileek

Lan baldintza duinak eskatzeko, herriz herrizko martxa abiatu dute Bizkaiko Erresidentzietako langileek. Urriaren 17tik 21era iraungo dute protestek. Jada, 350 egun daramatzate greban, eta nabarmendu dute  patronalaren jarrera ezkorra ari dela izaten.

 


2017-03-20 | ARGIA
Bizkaiko erresidentzietako langileek kanpaldiari ekin diote Foru Aldundiaren aurrean

Bizkaiko zahar-etxeetako gatazkaren korapiloa ez da askatu. Erabiltzaileen bizi-kalitatea eta kalitate asistentziala ere hobetuko luketen lan-baldintza duinak eskatzen dituzte grebalariek.


2017-02-26 | Dabi Piedra
Esku nahikorik ez

Otsail osoan grebara deitu ditu ELAk Bizkaiko erresidentzia pribatuetako beharginak. Lantaldeak handitzeko eta baldintzak hobetzeko eskatzen dute, erabiltzaileei kalitatezko zerbitzua eman ahal izateko. Diru publikoa ere tartean denez gero, esku hartzeko deia egin diote langileek Bizkaiko Foru Aldundiari.


2016-12-13 | Unai Brea
250 erreklamazio aurkeztu ditu ELAk, EAEko esparru publikoko behin-behineko lanpostuen aurka

ELA sindikatuak jakinarazi du azken hilabetean 250 erreklamazio inguru aurkeztu dituela EAEko sektore publikoko kontratazioak direla eta. Modu horretan, Europako Justizia Auzitegiak emandako epaiak betearazi nahi dituzte.


2016-10-05 | Unai Brea
Akordiorik ez Bizkaiko zahar egoitzen gatazkan, bi asteko grebaren ondoren

Irailaren 21ean hasitako grebaren azken egunean, negoziazio mahaiaren inguruan jesarri dira ELA sindikatua eta sektoreko hiru patronalak (LARES, ELBE eta GESCA). Azken horiek konponbiderako egin duten proposamena “arduragabekeriatzat eta errespetu faltatzat” jo du  ELAk.


Bizkaiko adinekoen egoitzetan bi kaleratze salatu ditu EH Bilduk, grebaren atarian

Hilaren 21ean hasiko da ELA sindikatuak deitutako bi asteko greba Bizkaiko adinekoen egoitzetan. Unai Rementeria Bizkaiko Ahaldun Nagusiak sindikatuari ohartarazi zion “edozein greba eskubideren gainetik adinduen duintasuna” dagoela. EH Bilduk, berriz, adierazpen horiek egin eta oso gutxira egoitza bateko bi langile kaleratu izana salatu du.

 


ELAk eta LABek bost eguneko greba deitu dute Lanbiden

Eusko Jaurlaritzak “erakunde honetan egindako kudeaketa negargarria salatzeko” egingo dituzte lanuzteak. Langileen lan baldintzak errespetatzeko exijitu dute.


2016-09-06 | ARGIA
Bizkaiko zahar egoitzetan bi asteko grebara deitu du ELAk

ELA sindikatuak Bizkaiko adinekoen egoitzetako langileak deitu ditu bi asteko greba egitera, irailaren 21etik hasita. Ez da izango aurten sektorean egiten den lehenengo lanuztea –hamazortzi greba egun zituzten martxoan eta ekainean–, baina bai luzeena. Bizkaiko Aldundiari eta egoitzetako patronalei “akordioak lortzeko borondaterik ez izatea” leporatu diete.


Eguneraketa berriak daude