Dantzaren Nazioarteko Eguna Bilbon ospatuko du ADDEk
Asteartea Dantzaren Nazioarteko Eguna da eta Bilboko Alondegian hainbat ekitaldi egingo du Euskal Herriko Dantza Profesionalen Elkarteak, arratsaldeko 18:00etan hasita.
ADDEk 2009tik ospatzen du egun hau. Estreinazkoz egingo du Alondegian.
Egitaraua:
18:00 Alondegiko sarreran. Flashmob-a kamera geldoan.
18:10 Atarian. Manifestuaren eta Nazioarteko Egunaren mezuaren irakurketa (Mourad Merzouki koreografoaren mezua euskaraz, Dantzan.com webgunean).
Dantzan Bilaka 2014 erakusketa.
- Krego-Martin danza: To be continued
- Izaskun Lapaza Rodriguez: Ehundurak
18:45 Musika eta dantza librea.
19:15 Ospakizunaren amaiera.
Sentsibilizazioa
ADDEk "ezinbestekotzat" jo du dantza gizartean hedatzeko eta sentsibilizatzeko lana garatzea: "Tartean nahasitako eragileen eta, oro har, herritarren ezagutza zenbat eta handiagoa izan, dantzak eta dantzako profesionalek sortzen duten aberastasun kultural, sozial eta ekonomikoari dagokionez, orduan eta handiagoa izango da etorkizunean izango duen garapena".
Publikoarekin zuzeneko harremana edukiz eta komunikabide ugarien bidez, dantzari balioa ematen lagundu nahi du elkarteak, "baina ez jarduera kultural eta artistiko moduan soilik, jarduera profesional moduan baizik".
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Nola deitzen da dantzariek batak besteari ipurdian sua piztearen zirraraz jolasean aritzen diren dantza? Ba plego-dantza izan liteke, edo bizker-dantza, edo tatin-dantza sua ipurdian edo Izetz ixetukoa-Baietz ixetukoa... Ablitasen, Baztanen, Garesen, Bardozen zein... [+]
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.