Ahal Duguren krisia Araban

Dani Trujillanok salatu du Ahal Dugu aiararren ahotsa isiltzen ari dela

  • Ahal Duguko lau batzarkide arabarrek agerraldian plazaratu dute Lander Martinez eta alderdiko beste kide batzuk salatuko dituztela kalumniak zabaltzeagatik. Gainera, batzarkide arabarren aurkako kanpaina Iñigo Errejonen aldekoen mugimendutzat jo dute.

Aiaraldea.eus @aiaraldea
2017ko martxoaren 20a
EAEko zuzendaritzak baztertutako batzarkideek egindako agerraldia. (Arg.: Aiaraldea.eus)

Astelehen honetan prentsaurrekoa eskaiini dute Ahal Duguko Arabako Batzar Nagusietako kide gehienek. Euren artean egon da Dani Trujillano amurrioarra. Adierazi dutenez, batzarkideek egindako guztia legezkoa izan da eta prozedurak egoki bete dituzte.

Zentzu berean, Dani Trujillanok azaldu du notarioak babestu zuela bera izatea Arabako Batzar Nagusietako taldearen kontu korronteko titularra eta besteak kentzea. "Gu ez gara batzarkide 'diskoloak'. Izan ere, gu gara gehiengoa eta besteak hiru besterik ez dira, eta kontuaren titulartasuna zuten". Aldi berean, nabarmendu du ez dutela euren kontrako frogarik.

Aiara ahotsik gabe

Dani Trujillanoren ustez, Iñigo Errejonen aldekoak –Lander Martinez, Eduardo Maura eta Nagua Alba, hain zuzen– alderdian purga egiten saiatzen ari dira, eta horregatik jo dute euren aurka. Amurrioarrak aipatu du EAEn bakarrik gelditu direla zuzendaritzan Errejonen ildo berekoak.

Arabako batzarkideei presioa egiteko "taldean zeuden bi liberatuak kendu dituzte eta batzordeetatik ere baztertu dituzte" erantsi du amurrioarrak. Gainera, azpimarratu du aiararrak isiltzen ari direla. "Hau ez da gure aurkako kanpaina, bozkatu gaituzten 2.500 pertsonen aurkakoa baizik. Egindakoa Amurrioko eta Laudioko zirkuluen oniritziarekin izan da".

Salaketa Lander Martinez eta beste kideren aurka

Batzarkide arabarrek zabaldu dute Lander Martinez eta Ahal Duguko beste kide batzuk salatu dituztela epaitegian. Zehazki, Lander Martinezi leporatu diote kalumnia. "Lander Martinezek esan zuen guk notario-akta faltsutu genuela, eta hori delitua da".

Albiste hau Aiaraldea.eus-ek argitaratu du eta CC by-sa lizentzia baliatuta ekarri dugu ARGIAra

Kanal hauetan artxibatua: Alderdi politikoak  |  Arabako politika  |  Podemos

Alderdi politikoak kanaletik interesatuko zaizu...
2017-05-28 | Lander Arbelaitz
"Tamaina handiko zein obratan ez da komisiorik egon?"

"Derrigor egin beharreko galdera da: non ez da komisiorik egon? Tamaina handiko zein obratan ez da komisiorik egon? Estatuan ikusten ari gara zer gertatu den, PPren paperetan atera izan diren enpresek kontratu publikoak hartzen dituzte hemen. OHL enpresa adibidez, PPren finantzaketa ilegalaren kasuan harrapatu dutena da Nafarroako Ubidea egin duena. Galdetu behar dut: nork ziurtatzen digu hemen ez dela komisiorik egon?”. Patxi Zamora, Kontuz! elkarteko kidea oso zorrotz mintzo da... [+]


2017-05-28 | Pako Sudupe
Abertzaletasuna zertan dugu egun?

Azken ehun urte eta gehiagoan euskotar eta euskaldun eta euskal herritar mordoxka ahalegindu da Euskadiren edo Nafarroa Osoaren edo Euskal Herriaren independentziaren alde; askotxok bizia eman dute, bizia galdu eta besteri kendu ere bai. Historia hori guztia oso garrantzizkoa da –aurrekorik gabe ez dago ondorengorik–, baina, bi hitzetan, zertan gara egun?

Azken Aberri Egunak ez dira ikaragarriak izan. Eta bakearen artisauek egin dutena? Hori ikaragarria izan da, jarraibidea... [+]


2017-05-24 | ARGIA
Errekaleor eraisteko agindu du Urtaranek

EiTBk zabaldu duenez, Errekaleor Gasteizko auzo okupatuko eraikinak eraisteko prozesua martxan jartzeko agindu du Gorka Urtaranek.


Aparatua gaindituta, ekaineko kongresua da Sánchezen hurrengo langa

Susana Díazi tarte handia aterata Pedro Sánchezek irabazi ditu PSOEko hauteskunde primarioak. Patxi Lopez lehiatik kanpo egon da uneoro,  soilik EAEn lortu du irabaztea; Nafarroan Sánchezek irabazi du.


Eduardo Santosek irabazi ditu Nafarroako Ahal Duguren primarioak

Eduardo Santos diputatua 27 botorengatik gailendu zaio kargua uzten duen Laura Perezi. Zuzendaritzan eta dokumentuen bozketan ere nagusitu da. Izena eman duten 6.917 kideetatik 1.347k bozkatu dute, %19,5.


Ana Beltran PPko buruzagiaren bodega, Nafarroako Gobernuaren zordunen artean

Bodegas Camilo Castilla bodegaren zuzendaritza darama PPko eledunak 1987tik eta 687.000 euroko zorra dauka. Nafarroako Ogasun sailak zordun handien zerrenda kaleratu du.


Zatiketa Gasteizko legebiltzarrean: PSE eta EAJ elkarren kontra Espainiako Aurrekontuen mozioan

Eusko Legebiltzarrean Estatu Aurrekontuen inguruko bozketa egin eta ez dituzte onartu. EH Bildu, Elkarrekin Podemos eta PSE-EEk ezezko boza eman dute, jeltzaleen eta sozialisten arteko zatiketa sortuz.


Legez kontrako etxebizitza turistikoen aurrean "Donostiako Udalaren pasibitatea" salatu du EH Bilduk

Garak jakinarazi duenez, martxoaren 21ean Donostiako Udaleko teknikariek Legazpi kaleko Legazpi Doce ostatua bisitatu zuten. Bisitaren txostenean ondorioztatu zuten ostatuaren egoera irregularra eta legez kanpokoa zela. Donostiako Udal gobernuak ez du oraindik neurririk hartu. Donostiako EH Bilduk kasua salatu du.


PSNk ikurrinaren aurkako eskuinaren manifestazioan parte hartuko du

UPN, PPN eta Ciudadanosekin batera parte hartuko du PSNk ekainaren 3ko manifestazioan. Nafarroako bandera defendatzeko aitzakiarekin egin dute bat deialdiarekin. Alderdiaren militante batzuek desadostasuna adierazi dute.


Nafarroako AHTa blindatu nahi du Geroa Baik

Nafarroako eta Espainiako Gobernuek AHTaren inguruan “ez-betetze klausulak” sinatzea proposatu du Iñigo De la Serna Barne Ministroak. Manu Aierdik ontzat hartu du proposamena: "Izugarri ona iruditzen zait ardura duena behartzea sinatutakoa betetzera", adierazi du.


Azkenak
EGILEA
Eguneraketa berriak daude