CUPeko bi zinegotzi atxilotu dituzte urriaren 1aren harira

  • Marta Llorens eta Oriol Ciurana, Reuseko zinegotziak biak, atxilotu dituzte Esquadra Mossoek epailearen aginduz. Zinegotziek ez dute onartzen Espainiako justizia eta horregatik ez ziren deklaratzera joan.


2017ko abenduaren 27an - 11:32
Arg: @CUPReus

Urriaren 1eko mobilizazioengatik auzipetutako CUPeko bi zinegotziak, asteazken goizean atxilotu dituzte. Biek, normaltasunez lan egingo zutela adierazi dute goizean goiz, Mossoak udaletxera agertu eta atxilotzen zituzten arte behintzat.

Reuseko auzitegiak atxilotze agindua igorri zuen, bi zinegotziak ez baitira deklaratzera agertu auzitegiak jarritako bi hitzorduetan. Espainiako poliziaren aurkako gorrotoa hedatu izana egozten diete bi auzipetuei, ustez herrian zeuden polizien aurkako mobilizazioak antolatzeagatik.

Epaileak Esquadra Mossoei agindu zien bi zinegotziak atxilotzeko osteguneko goizeko bederatzietarako, epailearen aurrean deklaratu dezaten. CUPeko hirugarren zinegotzi bat ere deklaratzera deituta dago ostegunean goizeko hamarretarako.

Marta Llorens eta Oriol Ciuranak ez dute onartzen Espainiako Justizia, euren esanetan Espainian ez delako botere banaketarik existitzen, “botere judiziala, Moncloaren helburu politikoen menpe dago”, adierazi dute zinegotziek. “Zutik eta duintasunez”, jarraituko dutela gaineratu dute.


Kanal honetatik interesatuko zaizu: Kataluniako erreferenduma
Ponsati ez da agertu Auzitegi Gorenean zeukan hitzordura

Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Eguneraketa berriak daude