Cruas-Meysseko zentral nuklearraren segurtasun falta agerian utzi du Greenpeacek
Greenpeaceko 22 militante Cruas-Meysseko zentral nuklearrean (Ardècheko departamentuan) sartu dira astearte goizeko seiak aldera, haren segurtasunik eza agerian utzi nahian. Erabilitako erregai erradioaktiboaren biltegietako bateko horman eskegi dute euren burua haietako lauk, eta leherketa baten soinua irudikatzen duten irudiak proiektatu dituzte.
“Erregai biltegiak izan arren zentral nuklear batean erradioaktibitate gehien dagoen gunea, ez daude babestuta kanpoko eraso baten aurrean”, salatu du talde ekologistak. Azaldu dutenez, hamar minutu aski izan dute zentralean sartzeko, eta bertako arduradunek ez dute ezer egin.
Greenpeacen esanetan, Frantziako Segurtasun Nuklearreko Agintaritzak (ASN) onartu du erabilitako erregai biltegiak arazo larria direla. Alta, instalazioen zaintza bere eskumenetatik kanpo dagoela argudiatu du ASNk. Hala, EDF estatuko konpainia elektrikoari dagokio zeregin hori, baina ez da neurri egokirik hartzen ari, ekologisten iritziz.
Gaiari buruzko ardura duten erakundeei segurtasun eskasaz ohartarazten duen txostena igorri die Grenpeacek, aditu independenteek egindakoa. Ez da egite duten mota honetako lehenengo ekintza. Urrian Cattenomeko (Lorraine) zentralera sartu ziren taldeko 23 kide. Urtarrilaren 3an epaituko dituzte ekintza hargatik, eta bost urteko espetxe zigorra eta 75.000 eroko isun eskatu dute haientzat.
Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]
Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Hodeia ez da existitzen, beste norbaiten ordenagailua da. Zehatzago esanda, beste norbaiten ordenagailuz betetako pabiloi erraldoiak dira hodeia, eta energia kopuru izugarriak behar dituzte. Microsoftek erreaktore nuklear txikien aldeko apustua egin nahi du energia behar horiek... [+]